პარიზში ევროპაში ყველაზე გრძელი საქალაქო საბაგირო გზა ამოქმედდა. ახალმა მარშრუტმა მეტროპოლიტენის №9 ხაზი დედაქალაქის სამხრეთ-აღმოსავლეთ გარეუბანთან დააკავშირა, სადაც სატრანსპორტო კომუნიკაციებთან დაკავშირებული სირთულეები კვლავ არსებობდა.
საბაგირო გზა 4.5 კილომეტრზეა გადაჭიმული და აღჭურვილია 105 კაბინით, რომელთაგან თითოეული 10 მგზავრზეა გათვლილი.
კაბინები ქალაქის ქუჩების თავზე დაახლოებით 21.5 კმ/სთ სიჩქარით მოძრაობენ და დღეში 11 000-ზე მეტი ადამიანის გადაყვანა შეუძლიათ.
ბოლო გაჩერებამდე მგზავრობას დაახლოებით 18 წუთი სჭირდება, რაც თითქმის ორჯერ უფრო სწრაფია, ვიდრე ავტობუსი, რომელიც გარეუბნებში მინიმუმ 35 წუთში აღწევს.
გონდოლები ყოველ 30 წუთში ერთხელ გადიან და განკუთვნილია ინვალიდის ეტლების, ეტლებისა და ველოსიპედებისთვის. ხაზი მუშაობს დილის 5:30 საათიდან საღამოს 11:30 საათამდე, ხოლო შაბათობით ღამის 00:30 საათამდე. ავტობუსები იმავე მარშრუტზე მოძრაობენ ღამით, ძლიერი ქარის დროს ან ტექნიკური მომსახურების დროს.
ახალი საბაგიროთი მგზავრობა 2 ევრო ღირს.
