მალდივის კუნძულების მთავრობამ გადაწყვიტა ბიუჯეტის შესავსებად ტურისტებისთვის გადასახადები გაზარდოს – ინფორმაციას,ადგილობრივი მედია ავრცელებს. მათ შორისაა „მწვანე“ გადასახადი, ტურისტული გადასახადი, აეროპორტის მომსახურების გადასახადი და ტურისტული საქონლისა და მომსახურების გადასახადი - ამის შესახებ ადგილობრივი მედია იუწყება.
2025 წლის 1 იანვრიდან გაორმაგდება მწვანე გადასახადი, რომელიც თითოეულ ტურისტს ეკისრება სასტუმროში ან სხვა განსახლების ობიექტში დღიური ყოფნის პერიოდში. გადასახადი იქნება $3-დან $6-მდე დღეში ტურისტებისთვის, რომლებიც ცხოვრობენ სასტუმრო სახლებში და 50-ზე ნაკლები ნომრის მქონე სასტუმროებში და $6-დან $12-მდე დღეში დიდ კურორტებზე მყოფი ტურისტებისთვის.
2024 წლის 1 დეკემბრიდან ქვეყანაში შესვლის საფასური და აეროპორტის განვითარების საფასური იზრდება. ასე რომ, ეკონომკლასის მგზავრებისთვის ისინი 30-ის ნაცვლად 50 დოლარი იქნება, ანუ სულ 100 დოლარი. ბიზნეს კლასის მგზავრებისთვის - 120$ წინა 60-ის ნაცვლად, ჯამში 240$. პირველ კლასზე - 240$ 90-ის ნაცვლად (სულ 480$). ბიზნეს ჯეტების მგზავრებს კი თითქმის 1000 დოლარის გადახდა მოუწევთ – მათთვის ყოველი გადასახადი 120 დოლარიდან 480 დოლარამდე გაიზრდება.
არქიპელაგის მცხოვრებლებისთვის, რომლებიც მოგზაურობენ საზღვარგარეთ, გადასახადი დარჩება $12, თუ მოგზაურობენ ეკონომ კლასში, მაგრამ ბიზნესის, პირველი კლასის და კერძო თვითმფრინავის მგზავრებისთვის, გადასახადი გაიზრდება იმავე ტემპით, როგორც უცხოელებისთვის.
ტურისტულ პროდუქტებსა და მომსახურებაზე გადასახადი 2025 წლის 1 ივლისიდან 16-დან 17%-მდე გაიზრდება.
ელოდებიან, რომ ტურისტული გადასახადების ზრდა ხაზინას 175 მილიონი დოლარის დამატებით შემოსავალს მოუტანს. მალდივის ტურიზმის ინდუსტრიის ასოციაცია (MATI) ამ გადაწყვეტილების წინააღმდეგი იყო.
