ლისაბონის უნივერსიტეტის (პორტუგალია) მეცნიერები განიხილავენ სცენარს, რომლის მიხედვითაც ევროპა და აფრიკა შესაძლოა ხელახლა შეერთდნენ. საუბარია არა ხიდის ან გვირაბის მშენებლობაზე, არამედ ტექტონიკურ პროცესებზე გიბრალტარის სრუტის ქვეშ, რომელიც ესპანეთსა და მაროკოს შორის მდებარეობს – ამის შესახებ „ევროპულსი“ წერს. ამ ტერიტორიაზე აფრიკისა და ევრაზიის ლითოსფერული ფილები ერთმანეთს ეჯახება.
მკვლევრებმა სხვადასხვა შესაძლო სცენარის მოდელირება მოახდინეს. აღმოჩნდა, რომ ამ ტერიტორიაზე გაძლიერდა ცოტა ხნის წინ მიძინებული სუბდუქციის გეოლოგიური პროცესი, როდესაც ერთი ფილა მეორის ქვეშ ეშვება. შედეგად, დროთა განმავლობაში, ორივე ლითოსფერული ფილა გაერთიანდება, ევროპა და აზია ერთ კონტინენტად გადაიქცევა, ხოლო გიბრალტარის სრუტე გაქრება.
ეს ორი კონტინენტი ოდესღაც ერთი მთლიანობა იყო - 250 მილიონი წლის წინ, მეზოზოურ ეპოქაში. საუბარია სუპერკონტინენტ პანგეაზე, რომლის ნაწილებიც იყო როგორც მომავალი ევროპა, ასევე მომავალი აფრიკა. და რადგან დედამიწის ზედაპირი ნელა, მაგრამ მუდმივად იცვლება, აქ წყალმა საბოლოოდ შეიძლება კვლავ უკან დაიხიონ. ამას შეიძლება სერიოზული შედეგები მოჰყვეს.
პირველ რიგში, სწორედ გიბრალტარის სრუტის გავლით „ცვლის“ ხმელთაშუა ზღვა წყალს ატლანტიკასთან, ამიტომ ორი კონტინენტის კავშირი მთლიანად შეცვლის ზღვის დინებებს, წყლის მარილიანობას და, შედეგად, ბიოსფეროს.
გარდა ამისა, ერთი ლითოსფერული ფილის მეორის ქვეშ დაბლა დაშვება ყოველთვის იწვევს ძლიერ მიწისძვრებს. ამიტომ, დროთა განმავლობაში საჭირო იქნება დასავლეთ ხმელთაშუა ზღვაში სეისმური რისკის გრძელვადიანი შეფასება.
ამავდროულად, მეცნიერები ვარაუდობენ, რომ იმ დროისთვის, როდესაც გიბრალტარის სრუტე გაქრობას დაიწყებს, გაირკვევა, თუ როგორ უნდა დავუპირისპირდეთ მას. ბოლოს და ბოლოს, ამ კატასტროფის მოხდენამდე სულ მცირე 200 მილიონი წელი უნდა გავიდეს.
