ევროკავშირი არ „მოერიდება“ რუსული ნავთობტანკერებისთვის საზღვაო გადაზიდვების სრული აკრძალვის მიღებას, თუ დიდი შვიდეულის მოკავშირეები კონსენსუსს ვერ მიაღწევენ, განაცხადა ეკონომიკის საკითხებში ევროკომისარმა ვალდის დომბროვსკისმა.
ევროკავშირის წევრი სახელმწიფოები ამჟამად აგრძელებენ მოლაპარაკებებს კრემლის წინააღმდეგ ეკონომიკური სანქციების მე-20 პაკეტზე. ბრიუსელს სურს, რომ ის დამტკიცდეს 24 თებერვლამდე, სრულმასშტაბიანი შეჭრის მეოთხე წლისთავამდე. თუ შემოთავაზებული გადაზიდვების აკრძალვა მიღებული იქნება, რუსული ნავთობის ფასების ლიმიტი, რომელიც G7-მა 2022 წლის დეკემბერში შემოიღო, ევროკავშირის იურისდიქციაში აღარ იმოქმედებს, რადგან ყველა ევროპულ კომპანიას აეკრძალება რუსეთიდან წამოსული ტანკერების მომსახურება, Urals–ის ნავთობის ტრანსპორტირების ფასის მიუხედავად.
ბოლოს ფასის ლიმიტი ბარელზე 44.10 დოლარამდე შეიცვალა.
„ჩვენ წარვუდგინეთ ჩვენს G7 პარტნიორებს გასატარებელი ზომების მონახაზები, რადგან ცხადია, უკეთესი იქნება, თუ კოორდინირებულ ნაბიჯებს გადავდგამთ“, - განაცხადა ვალდის დომბროვსკისმა სამშაბათს შუადღისას ბრიუსელში ფინანსთა მინისტრების შეხვედრის შემდეგ.
