ევროკავშირი ამზადებს საგანგებო ზომების პაკეტს, რომელიც მიზნად ისახავს იმ ეკონომიკური სექტორების მხარდაჭერას, რომლებიც შესაძლოა, ყველაზე მეტად დაზარალდნენ აშშ-ის მომავალი ტარიფებისგან, – ამის შესახებ „ბლუმბერგი“ წერს.
გამოცემის წყაროების ცნობით, ევროკომისია მუშაობს მოკლევადიან წინადადებებზე ცალკეული დარგების ეკონომიკური მხარდაჭერისთვის, რომლებიც დაზარალდებიან ტარიფებისგან.
როგორც „ბლუმბერგი“ წერს, პარალელურად, ევროკავშირი ამზადებს საკუთარ პოზიციას აშშ-თან მოლაპარაკებებისთვის, ტარიფების ძალაში შესვლის შემდეგ, რომელიც ასევე ითვალისწინებს ორმხრივი კომპრომისის შესაძლებლობებს, მაგალითად, ინვესტიციების სფეროში ან რეგულაციების შემსუბუქებაში.
როგორც გამოცემა წერს, ევროკავშირში არ გეგმავენ აშშ-ის ტარიფებზე დაუყოვნებლივი პასუხის გამოცხადებას, რადგან მათი გავლენის შესაფასებლად დრო იქნება საჭირო.
