ხვალიდან UNWTO-ში საქართველოს მუდმივ წარმომადგენლად ალექსანდრე ჭკუასელი ინიშნება. შესაბამისი განკარგულება ირაკლი კობახიძემ გამოსცა. როგორც განკარგულებაშია აღნიშნული, ალექსანდრე ჭკუასელი, რომელიც ამ დრომდე ბარსელონაში საქართველოს გენერალური კონსული იყო, ესპანეთში საქართველოს ელჩადაც ინიშნება. განკარგულებით მისი კანდიდატურა მიხეილ ყაველაშვილს წარედგინა.
ალექსანდრე ჭკუასელი 1979 წლის 26 ივნისს ქ. თბილისშია დაბადებული.
პროფესიული გამოცდილება
2021 - დღემდე - საქართველოს გენერალური კონსული ქალაქ ბარსელონაში
2021 - პრესისა და ინფორმაციის დეპარტამენტის დირექტორი, საინფორმაციო და საზოგადოებასთან ურთიერთობის გენერალური დირექტორატი
2016 - 2021 - უმაღლესი და მაღალი რანგის დელეგაციებთან მუშაობის სამმართველოს უფროსი, დიპლომატიური პროტოკოლის დეპარტამენტი
2016 - თავდაცვის პოლიტიკისა და დაგეგმვის დეპარტამენტის უფროსის მ.შ. საქართველოს თავდაცვის სამინისტრო
2015 - 2016 - თავდაცვის პოლიტიკისა და დაგეგმვის დეპარტამენტის უფროსის მოადგილე, საქართველოს თავდაცვის სამინისტრო
2014 - 2015 - პროტოკოლის დეპარტამენტის უფროსი, საქართველოს თავდაცვის სამინისტრო
2010 - 2014 - საქართველოს საქმეთა დროებითი რწმუნებული, საქართველოს საელჩო სლოვენიის რესპუბლიკაში
2010 - საელჩოს მრჩეველი, საქართველოს საელჩო სლოვაკეთის რესპუბლიკაში
2010 - ეუთო-ს სამმართველოს მრჩეველი, საერთაშორისო ორგანიზაციების დეპარტამენტი
2006 - 2010 - საელჩოს პირველი მდივანი, საკონსულო სამსახურის უფროსი, საქართველოს საელჩო სლოვაკეთის რესპუბლიკაში
2006 - მრჩეველი, დიპლომატიური პროტოკოლის დეპარტამენტი
2005 - 2006 - მეორე მდივანი, დიპლომატიური პროტოკოლის დეპარტამენტი
2003 - 2004 - მესამე მდივანი, დიპლომატიური პროტოკოლის დეპარტამენტი
2003 - მთავარი სპეციალისტი, პოლიტიკის კვლევისა და ანალიზის ცენტრი, საქართველოს საგარეო საქმეთა სამინისტრო
განათლება
2014 – 2016 - საქართველოს ტექნიკური უნივერსიტეტი, დოქტორის აკადემიური ხარისხი სოციალურ მეცნიერებებში
2010 – 2014 - ბრატისლავის კომენიუსის უნივერსიტეტი (სლოვაკეთი, ბრატისლავა) ევროპის მცოდნეობისა და საერთაშორისო ურთიერთობების ინსტიტუტი - სადოქტორო პროგრამა
1995 – 2000 - თბილისის ეკონომიკურ ურთიერთობათა სახელმწიფო ინსტიტუტი,(ეკონომისტ-მენეჯერის კვალიფიკაცია) მაგისტრის ხარისხი.
ცნობისთვის, UNWTO-ს გენერალური მდივანი 2018 წლიდან ზურაბ პოლოლიკაშვილია.
