მარტში, გასული წლის იგივე თვესთან შედარებით, ჯანმრთელობის დაცვის ჯგუფში ფასები 8,8%-ით გაიზარდა.
ფასების ზრდის მასშტაბით სხვა ჯგუფებთან შედარებით, ჯანდაცვა პირველ ადგილზეა.
საქსტატის მონაცემებით, ფასები გაიზარდა ამბულატორიული სამედიცინო მომსახურების (8.9 პროცენტი), სამედიცინო პროდუქციის, აპარატურის და მოწყობილობის (8.4 პროცენტი) და საავადმყოფოების მომსახურების (7.6 პროცენტი) ქვეჯგუფებზე.
რაც შეეხება ყოველთვიურ ინფლაციას, ჯანმრთელობის დაცვის ჯგუფში ფასები მომატებულია 1.7 პროცენტით. ფასები მომატებულია ქვეჯგუფებზე: სამედიცინო პროდუქცია, აპარატურა და მოწყობილობა (2.2 პროცენტი), ამბულატორიული სამედიცინო მომსახურება (2.2 პროცენტი).
ზოგადად კი, ქვეყანაში 2025 წლის მარტში, წინა წლის იგივე პერიოდთან შედარებით, საქართველოში ინფლაციის დონემ 3.5 პროცენტი შეადგინა.
jandacva.ge
