ჩინური ხელოვნური ინტელექტის კომპანიები მომხმარებლების შეკითხვებს ფარულად Claude–თან ამისამართებდნენ და შედეგებს საკუთარ პასუხებად აწვდიდნენ. ამის შესახებ Anthropic-მა განაცხადა.
კომპანიამ აღმოაჩინა, რომ Moonshot AI, რომელიც Kimi-ს მოდელების ოჯახს ავითარებს, მომხმარებლის მოთხოვნებს Claude-ის მეშვეობით ამუშავებდა. ერთ შემთხვევაში, მან 5,380 ანგარიშისგან შემდგარი ქსელის გამოყენებით Anthropic-ს თითქმის 300 000 მომხმარებლის მოთხოვნა გადაუგზავნა.
Claude-ის დეველოპერი აცხადებს, რომ ჩინური კომპანიების მიერ გადაგზავნილი მოთხოვნები კონფიდენციალურ ინფორმაციას შეიცავდა. უცნობია, გაუმჟღავნა თუ არა Moonshot AI-მ ეს თავის მომხმარებლებს.
DeepSeek-მაც იგივე გააკეთა. კომპანიამ იმ მომხმარებლების მოთხოვნები, რომლებიც მისი ხელოვნური ინტელექტის ერთ-ერთი მოდელის გამოყენებას ცდილობდნენ, Claude Code-ზე, Claude Agent SDK-სა და OpenCode-ზე გადააგზავნა.
