ბაქო-თბილისი-ყარსის (BTK) რკინიგზის ხაზის ტესტირების დასრულება 2025 წელს და საბაჟო პროცედურების გაუმჯობესება გაზრდის აზერბაიჯანის შესაძლებლობას, სრულად გამოიყენოს რკინიგზის ტრანსპორტი საქართველოს გავლით.
ABC.AZ-ის ინფორმაციით, ამის შესახებ საერთაშორისო სარეიტინგო სააგენტო S&P Global Ratings-მა განაცხადა.
აღნიშნულია, რომ საქართველოს რკინიგზის მთავარი მაგისტრალის მოდერნიზაციის პროექტმა გამტარუნარიანობა წელიწადში 27 მილიონი ტონიდან დაახლოებით 48 მილიონ ტონამდე გაზარდა. პროექტის გავლენა 2025 წლის სექტემბერში დაიწყო და სრული ეფექტის დაწყება 2026 წელს არის მოსალოდნელი.
S&P ხაზს უსვამს, რომ BTK ხაზზე ტესტირების ფაზის დასრულება 2025 წელს, ასევე საბაჟო განბაჟების მექანიზმების გაუმჯობესება, ხელს შეუწყობს ტრანსპორტირების აღდგენას. ამ ცვლილებების შედეგად, აზერბაიჯანი და თურქეთი შეძლებენ საქართველოს რკინიგზის მომსახურების სრულად გამოყენებას.
ანგარიშის თანახმად, „საქართველოს რკინიგზის“ სტრატეგიული და მარკეტინგული ღონისძიებები, ასევე სახელმწიფოს მიერ მხარდაჭერილი ინფრასტრუქტურის მოდერნიზაცია, საშუალოვადიან და გრძელვადიან პერსპექტივაში სატრანსპორტო ნაკადის შემდგომი აღდგენის საფუძველს ჩაუყრის.
