Apple-მა აშშ-ის ფედერალურ სასამართლოში OpenAI-ის წინააღმდეგ მიმდინარე დავის ფარგლებში დამატებითი მასალები წარადგინა. კომპანია აცხადებს, რომ მისმა ყოფილმა თანამშრომელმა ხელოვნური ინტელექტის სტარტაპში გადასვლის შემდეგ Apple-ის კონფიდენციალურ ტექნიკურ სქემებზე უნებართვო წვდომა მოიპოვა.
სასამართლოს დოკუმენტების მიხედვით, საქმის ერთ-ერთი მთავარი ფიგურანტია ინჟინერი ჩანგ ლიუ (Chang Liu), რომელიც Apple-დან OpenAI-ში 2026 წლის იანვარში გადავიდა.
Apple-ის მიერ ჩატარებული ექსპერტიზის თანახმად, ლიუმ კომპანიის კომერციული საიდუმლოებები OpenAI-ში მუშაობის პერიოდში საინჟინრო სიმულაციების დასაწყებად და ხელოვნური ინტელექტის აგენტების სწავლებისთვის გამოიყენა.
Apple სასამართლოს საქმის დაჩქარებული წესით განხილვას სთხოვს, რათა საკუთარი ინტელექტუალური საკუთრება დაიცვას.
OpenAI კი ბრალდებებს უარყოფს და სარჩელის გაუქმებას მოითხოვს. კომპანიის წარმომადგენლების განცხადებით, მათი პროდუქტები დამოუკიდებლად და ნულიდან იქმნება და Apple-ის კონფიდენციალური ტექნოლოგიები მათ შესაქმნელად არ გამოუყენებიათ.
