ბიტკოინის ფასი მოულოდნელად ერთ დღეში 3%-ზე მეტით გაიზარდა და 102 500 დოლარს მიაღწია, პიკზე კი 104 000 დოლარს გადააჭარბა, რაც 31 იანვრის შემდეგ ყველაზე მაღალი მაჩვენებელია.

ამის შესახებ სპეციალიზებული გამოცემა CoinDesk წერს.

პირველი კრიპტოვალუტის ფასის ასეთი სწრაფი ზრდა ბაზრისთვის შოკი გახდა და იმ ტრეიდერებისთვის, რომლებმაც ფსონები ფასის ვარდნაზე დადეს უზარმაზარი ზარალის მომტანი აღმოჩნდა. გამოცემის ინფორმაციით, მათმა ჯამურმა ზარალმა 400 მილიონი დოლარი შეადგინა.