ჩრდილოვან ეკონომიკა, ანუ უფრო სწორედ დაუკვირვივებადი ეკონომიკა საქსტატის შეფასებით, 2025 წლის მეორე კვარტალის მდგომარეობით ეკონომიკის 13.6%-ს შეადგენს, რაც წინა წლის ანალოგიურ პერიოდთან შედარებით 0.1 პროცენტული პუნქტით ნაკლებია.
დაუკვირვებადი ეკონომიკა წარმოადგენს ეკონომიკის იმ ნაწილს, რომლის დროსაც საქონლის თუ მომსახურების მიწოდება ხდება ან არარეგისტრირებული მიმწოდებლების მიერ ან მათ მიერ მიწოდებული საქონელი და მომსახურება საგადასახადო (დღგ-ის) ბრუნვაში არ ხვდება, რადგან ის არააღრიცხულია. მაგალითად, სარემონტო სამუშაოების მიწოდებისთვის მუშების დაქირავება ხელშეკრულების გარეშე, რეპეტიტორის მიერ სერვისის მიწოდება, მცირე ფერმერის მიერ მოყვანილი საქონლის საცალო რეალიზაცია და სხვა საქმიანობები, რომელთა აღრიცხვაც არ ხდება.
საქსტატის თანახმად, 2010 წელს დაუკვირვებადი ეკონომიკა მშპ-ის 23.1% იყო, 2015 წელს ის 13.6%-მდე შემცირდა, რის შემდეგაც ის 12%-13%-ის ფარგლებში მერყეობს.
2025 წლის მეორე კვარტალის მდგომარეობით, დაუკვირვებადი საქმიანობების წილი ყველაზე მაღალია სექტორში სახელწოდებით - "სხვა სახის მომსახურება" და ის ამ სექტორის 72.2%-ს შეადგენს. ამ სექტორში შედის ყველა ის მომსახურება, რომელიც ეკონომიკის სხვა სექტორებში არ შედის. რაც შეეხება მეორე პოზიციას ესაა, განთავსების საშუალებებით უზრუნველყოფის სექტორი აქ შედის როგორც სასტუმროს სერვისები, ასევე ბინების მოკლევადიანი გაქირავებები და სხვა, ამ სექტორში ბრუნვის 51.6% სწორედ დაუკვირვებად ეკონომიკაზე მოდის. მესამე ადგილზე კი ჯანდაცვის სერვისებია, რაც სექტორის 19.2%-ია. ეს მოიცავს ექიმების მიერ მიწოდებულ არააღრიცხულ სერვისებს და სხვა მომსახურებებს.
