ეროვნული ბანკის პირველმა ვიცე-პრეზიდენტმა ეკატერინე მიქაბაძემ მონაწილეობა მიიღო შპს „ლოპოტას“ მიერ 11 მილიონი აშშ დოლარისა და 6.9 მილიონი ევროს მოცულობის 2-წლიანი ობლიგაციების წარმატებული განთავსებისადმი მიძღვნილ ღონისძიებაში.
ემისია 20 მილიონი აშშ. დოლარის მოცულობის ობლიგაციების პროგრამის ფარგლებში განხორციელდა, რომელიც კომპანიისთვის სადებიუტოა.
ეკატერინე მიქაბაძის განცხადებით, სასიხარულოა, რომ კაპიტალის ადგილობრივ ბაზარს ისეთი მასშტაბისა და რეპუტაციის მქონე კომპანია უერთდება , როგორიც „ლოპოტაა“.
„2025 წელი საჯარო კორპორაციული ობლიგაციების ემისიების მხრივ რეკორდული აქტივობით გამოირჩეოდა. წლის განმავლობაში გამოშვებული ობლიგაციების ჯამურმა ღირებულებამ 1.5 მილიარდ ლარს გადააჭარბა. მაღალი აქტივობა გაგრძელდა 2026 წელსაც: დღევანდელი მდგომარეობით, „ლოპოტას“ ემისიების ჩათვლით, შვიდმა ემიტენტმა ბაზარზე ცამეტი საჯარო კორპორაციული ობლიგაცია განათავსა, რომელთა ჯამური ღირებულება 570 მილიონ ლარს შეადგენს. აღნიშნული მაჩვენებელი წინა წლის შესაბამის პერიოდს დაახლოებით 80%-ით აღემატება“, - აღნიშნა ეკატერინე მიქაბაძემ სიტყვით გამოსვლისას.
მნიშვნელოვანია, რომ კაპიტალის ადგილობრივ ბაზარს სულ უფრო მეტი დებიუტანტი კომპანია უერთდება- ეკატერინე მიქაბაძე
1787216400
ტყუილია ინფორმაცია თითქოს 24 საათში საზღვარი რუსეთის 20 000-მა მოქალაქემ გადმოკვეთა - შსს
წერილი გამომიგზავნა მამუკა მდინარაძემ, დავუფიქსირე, რომ არ ვაპირებდი პოლიტიკაში დაბრუნებას, მაგრამ შემომითვალეს, რომ რჩებოდა 1%-იანი რისკი და აუცილებელი იყო კორუფციული ბრალის წარდგენა და მისი აღიარება - ირაკლი ღარიბაშვილი
პოლონეთმა საქართველოს მოქალაქეებისთვის სამუშაოდ შესვლის წესები გაამკაცრა - ვიზა სავალდებულო ხდება
თითოეული სახელმწიფო საკუთარი ეროვნული ინტერესების შესაბამისად მოქმედებს – ირაკლი კობახიძე
საქართველოს კეთილდღეობაზე, პირველ რიგში, ქართულმა სახელმწიფომ, ხელისუფლებამ და ქართველმა ხალხმა უნდა იზრუნოს – ირაკლი კობახიძე
