დღის TOP10 საინტერესო ამბავი:
1. 1,5 მლნ ლარი და 8 დასაქმებული - ანაკლიის პორტის განვითარების 2022 წლის გეგმა
მთავრობა 2022 წელსაც რომ გეგმავს ანაკლიის პროექტის ირგვლივ ნაბიჯების გადადგმას, ეს ბიუჯეტის პროექტიდანაც ჩანს. 2022 წლის სახელმწიფო ბიუჯეტის პროექტის თანახმად, ანაკლიის ღრმაწყლოვანი ნავსადგურის განვითარებისთვის 1.5 მლნ ლარია გათვალისწინებული.
2. ღვინის სააგენტომ RAW WINE 2021-ზე ქართული ბიო ღვინო დროულად ვერ გაგზავნა - ბიზნესმენ ივა მარტიაშვილს მწვავე კითხვები აქვს
ბიო ღვინის მწარმოებელმა 11-მა ქართულმა კომპანიამ ბერლინის ნატურალური, ბიო და ორგანული მეღვინეების ფესტივალზე - RAW WINE 2021 გასატანი ღვინოები გამოფენამდე 3-4 კვირით ადრე წარუდგინა ღვინის ეროვნულ სააგენტოს. ამ უკანასკნელს უნდა უზრუნველეყო ამ ღვინოების გაგზავნა ფესტივალზე, თუმცა, გამოფენამდე 1 დღით ადრე - 27 ნოემბერს აღმოჩნდა, რომ პროდუქცია გერმანიის საბაჟოზე იყო გაჩერებული.
3. ენგურზე გენერირებული ელექტრონერგია აფხაზეთსა და დანარჩენ საქართველოზე 40/60% პრინციპით განაწილდება
აფხაზეთის ენერგომომარაგება ძველ რეჟიმს უბრუნდება. ქართული მხარის გადაწყვეტილებით, ოკუპირებულ რეგიონთან დენი 40/60-ზე პროპორციით განაწილდება. ენერგეტიკოსების განცხადებით, ამიერიდან დამატებითი ელექტროენერგიის შესყიდვა არ გახდება საჭირო აფხაზეთისთვის, დანაკლისის შევსება მას თვითონვე მოუწევს.
4. ოქტომბერში ეკონომიკა 6.9%-ით გაიზარდა
ოქტომბერში მშპ გასული წლის ანალოგიურ პერიოდთან შედარებით 6.9%-ით, პირველ ათ თვეში კი 10.5%-ით გაიზარდა. ინფორმაციას საქსტატი ავრცელებს.
5. 80 გარდაცვლილი და 5050 ინფიცირებული - ბოლო 24 საათის კოვიდსტატისტიკა
Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 53 854 კვლევა ტესტით, მათ შორის 37 153 კვლევა ანტიგენის ტესტით და 16 701 PCR ტესტით.
6. რატომ ვერ ავითარებს მთავრობა შიდა ტურიზმს, თუნდაც ევროპულ მაგალითზე
პანდემიამ გლობალური ტურიზმის გზრდა დროებით შეაჩერა. ამ დარგის ფინანსური დანაკარგი უკვე 1 ტრილიონ დოლარს გაუტოლდა. შექმნილ სიტუაციაში, როცა კორონავირუსის შიშით უცხო ქვეყნებში მოგზაურობა და დასვენება ინტერესს კარგავს, ქვეყნები მთელი ძალებით ცდილობენ შიდა ტურიზმის განვითარებას, ვის რა შესაძლებლობაც გააჩნია.
7. კახა კალაძემ თბილისის მთავრობის განახლებული შემადგენლობა წარადგინა
თბილისის მერმა კახა კალაძემ 30 ნოემბერს გამართულ ბრიფინგზე განაცხადა, რომ თბილისის ვიცე-მერი ირაკლი ხმალაძე იქნება, ხოლო მოადგილეების თანამდებობებს ილია ელოშვილი, ირაკლი ბენდელიანი და ანდრია ბასილაია დაიკავებენ.
8. ხორბლის იმპორტის შემცირებამ, შესაძლოა, საქართველოში სასურსათო უსაფრთხოება კითხვის ნიშნის ქვეშ დააყენოს
საქართველოში ბოლო პერიოდში ხორბლის იმპორტი მცირდება, ხორბლის ფქვილის - კი იზრდება. აღნიშნულმა ტენდენციამ, სამომავლოდ, შესაძლოა ხორბლის მარაგები შეამციროს და ქვეყნის სასურსათო უსაფრთხოება ეჭვქვეშ დადგეს.
9. მთავრობის შეცდომები, რომლებმაც მოსახლეობა გააღარიბა
ქართული ოცნება 2012 წელს ხელისუფლებაში პოლიტიკურთან ერთად ძირითადად მემარცხენე მიმართულების დაპირებებით მოვიდა, რომლებშიც უხვად იყო პოპულიზმიც. ეს კი შემდგომში ქვეყანას ეკონომიკური ზრდის ტემპის განახევრებად დაუჯდა.
10. ლირის 74%-იანი გაუფასურების ფონზე ლარი 5%-ით გამყარდა
თურქული ლირა ისევ უფასურდება. 30 ნოემბერს თბილისის დროით 13:00 სთ-ისთვის Bloomberg-ის სავაჭრო პლატფორმაზე 1 აშშ დოლარის ღეურებულება 12.9 ლირას გადააჭარბა, რაც წლის დასაწყისის მაჩვენებელს 74%-ით აღემატება.
საინტერესი ამბები
