„პასუხისმგებლობისგან“ გათავისუფლებული ივანიშვილი და „მიჭირხვნილი პროფესიონალიზმი“ - პოლიტოლოგები სამთავრობო ცვლილებებს აფასებენ

access_time2017-11-14 13:16:55

მთავრობაში მასშტაბური სტრუქტურული ცვლილებები გუშინ დაიწყო. სამინისტროების რაოდენობა 18-იდან 14-მდე მცირდება. რასაც საკანონმდებლო ცვლილებები, შემდეგ კი, პარლამენტის მიერ მინისტრთა ახალი კაბინეტისთვის ნდობის გამოცხადება უნდა მოჰყვეს. სტრუქტურულთან ერთად, აღმასრულებელ ხელისუფლებაში საკადრო ცვლილებები და გადადგილებებიცაა. მინისტრთა კაბინეტს ორი ახალი წევრი ჰყავს, ექვსი კი მინისტრის პორტფელს დაემშვიდობა.

 

ამ ცვლილებების მიზეზად, სამთავრობო გუნდი ეფექტურ მართვას, ასევე ადმინისტრაციული და ბიუროკრატიული ხარჯების შემცირების სურვილს ასახელებს.

 

როგორ აფასებენ ცვლილებებს პოლიტოლოგები?

 

„განხორციელებული სამთავრობო ცვლილებებით პროფესიონალიზმი არის მიჭირხვნილი, - ამბობს „ექსპერტთა კლუბის პრეზიდენტი სოსო ცისკარიშვილი. პოლიტოლოგის თქმით, მსგავს შეფასებას ყველა არ იმსხურებს, თუმცა იგი გიორგი გახარისა და მამუკა ბახტაძის მინისტრებად დანიშვნას განსაკუთრებით აკრიტიკებს. როგორც ცისკარიშვილი ამბობს, გახარია, ქუმსიშვილი და ბახტაძე ქართულ პოლიტიკაში კადრებთუხუცესის - ბიძინა ივანიშვილის გუნდის წევრები არიან. ექსპერტის აზრით, ეს არის ცვლილებების კარუსელი და სერიოზული დადებითი ცვლილება მხოლოდ განათლების სამინისტროშია, სხვაგან კი, ცვლილებები მხოლოდ ცვლილებებისთვის განხორციელდა.


 

არსად არის სხვაგან ისეთი მაგალითი, რომ ეკონომიკისა და მდგრადი განვითარების მინისტრი გამხდარიყო უცებ შს მინისტრი, ასევე ფინანსთა მინისტრი გაათავისუფლო თანამდებობიდან და გადაიყვანო ეკონომიკის მინისტრად და ფინანსთა მინისტრად დანიშნო ტექნიკურ მეცნიერებათა დოქტორი, რომელსაც მაინცდამაინც წარმატებული წინა პერიოდი არ გააჩნია, ვგულისხმობ რკინიგზას და მამუკა ბახტაძეს. რასაც ჩვენ ვაკვირდებოდით, არ გამოვრიცხავ, რომ ბატონ ბახტაძეს არავინ ეკითხებოდა რა გადაზიდვები უნდა ყოფილიყო „საქართველოს რკინიგზაში“. იქ რაც ხდებოდა, შეიძლება ითქვას, რომ არის მრავალტომიანი საქმე პროკურატურისთვის, - ამბობს სოსო ცისკარიშვილი „ინტერპრესნიუსთან ინტერვიუში.

პოლიტოლოგ ხათუნა ლაგაზიძის შეფასებით აღმასრულებელ ხელისუფლებაში ცვლილებები საჭირო იყო და დადებითია ის, რომ ადგილობრივი თვითმმართველობის არჩევნების შედეგებიდან გამომდინარე, ხელისუფლება არ ჩავარდა ხიბლსა და ილუზიაში და დაინახა პრობლემები.

„ 2012 წლიდან დღემდე, რა თქმა უნდა, ძალიან გაბერილია როგორც აღმასრულებელ, ასევე ადგილობრივ ხელისუფლებაში შტატები და ხარჯები. აქედან გამომდინარე, ოპტიმიზაციიდან გამომდინარე, ნამდვილად გამართლებული ნაბიჯია 4 სამინისტროს გაუქმება, თუმცა, ამასთან ერთად საინტერესოა დღე, როდესაც შეარჩიეს სამთავრობო ცვლილებების დაანონსება. ეს შემთხვევითია თუ არა, დაემთხვა თბილისის მერის კახა კალაძის მიერ დედაქალაქის ახალი მთავრობის წარდგენას. ასეთი ორი მნიშვნელოვანი თემა, როგორც წესი, ერთმანეთს არ უნდა დამთხვეოდა. ამ თვალსაზრისით საინტერესოა ერთი დაკვირვება. გვახსოვს ალბათ რამდენად ხმაურიანი იყო ის, რომ ბიძინა ივანიშვილმა არ მიიღო არავითარი მონაწილეობა ადგილობრივ თვითმმართველობის არჩევნებში. ეს განპირობებული იყო იმით, რომ ივანიშვილი დაიღალა მის მიერვე მოყვანილი ხელისუფლების პასუხისგებით და შესაბამისად, დღეს უკვე კალაძე იქნება სრულად პასუხისმგებელი შეცდომებზეც და წარმატებებზეც, რითაც მისი მერობა იქნება გამორჩეული. აქედან გამომდინარე, თბილისზე პასუხისმგებლობა ივანიშვილს ჩაეხსნა და ახლა მე ვფიქრობ, ანალოგიური ხდება სამთავრობო ცვლილებებით. ახლა მიღებული მთავრობა მთლიანად კვირიკაშვილის პასუხისმგებლობაა. აქედან გამომდინარე, მთავრობის საქმიანობასთან დაკავშირებით ივანიშვილი გარკვეულწილად იხსნის პასუხისმგებლობას, - ასე აფასებს მმართველ გუნდში და მტავრობაში შექმნილ სიტუაციას ხათუნა ლაგაზიძე.

პოლიტოლოგი მიიჩნევს, რომ მმართველ პოლიტიკურ ძალაში იკვეთება პასუხისმგებლობის დამოუკიდებლობის ცენტრები.

„„ქართულ ოცნებაში იკვეთება ძალის თუ არა პასუხისმგებლობის დამოუკიდებლობის ცენტრები. ერთი მხრივ, გვყავს კალაძე, თავისი დამოუკიდებელი პასუხისმგებლობის ცენტრით და ობიექტით, დედაქალაქით და მეორე მხრივ, გვყავს კვირიკაშვილი, თავისი განახლებული მთავრობით, რომელზეც თავიდან ბოლომდე ის იქნება პასუხისმგებელი. ამ კონტექსტში ძალიან საინტერესო ხდება საპრეზიდენტო კანდიდატის. კერძოდ, იქნება თუ არა ის რომელიმე პასუხისმგებლობის ცენტრის წარმომადგენელი, თუ მისი სახით შეიქმნება მესამე ცენტრი „ქართულ ოცნებაში, - აღნიშნა ხათუნა ლაგაზიძემ.

 

„საინტერესოა, ქუმსიშვილის ნახევარი მინისტრთა კაბინეტის მინისტრად დანიშნვა და ბახტაძის დანიშვნა ფინანსთა მინისტრად, ვინაიდან არსებობდა გარკვეული ინფორმაციები ამ ორ ადამიანზე, რომ შესაძლოა მათ დაიკავონ პრემიერ-მინისტრის პოსტი, თუკი კვირიკაშვილი გადაწყვეტს საპრეზიდენტო მარათონში ჩაბმას. თუ ეს ყველაფერი ასეც მოხდება, მაშინ გამოდის, რომ ამ ადამიანების დანიშვნა ერთგვარი შემზადებაა მათი პრემიერ-მინისტრობისთვის, - ამბობს ლაგაზიძე „ინტერპრესნიუსთან“ საუბარში.



„არავინ იცის, როგორი დენი მიდის მომხმარებლამდე!“ - ენერგეტიკოსები ელექტროენერგიის ხარისხის კონტროლის გამკაცრებას ითხოვენ

person access_time2018-01-16 11:10:24
ელექტროენერგიის ხარისხის კონტროლი გასამკაცრებელია. ენერგეტიკოსების ერთი ნაწილი მიიჩნევს, რომ დენის ხარისხი არ კონტროლდება და ამით მომხმარებელი ზარალდება. ბოლო პერიოდში კომპანიებს ამ მხრივ გარკვეული ვალდებულებები დაეკისრათ, მაგრამ ეს ჯერჯერობით არ არის თანამედროვე სტანდარტების შესაბამისი, საქართველოს ენერგეტიკის მარეგულირებელ კომისიაში კი ამტკიცებენ, რომ ელექტროენერგიის ხარისხი დამაკმაყოფილებელია. ენერგეტიკოსები ეჭვობენ, რომ დენის ხარისხის კონტროლი არ მიმდინარეობს....

H&M-მა და არჩევნებმა გარე სარეკლამო ბაზარი 15%-ით გაზარდა - outdoor.ge

person access_time2018-01-16 12:15:18
„გასულ წელს მთელი ქვეყნის მასშტაბით დატვირთული ბანერების რაოდენობამ 70-80% შეადგინა“, - ამის შესახებ „კომერსანტს“ სარეკლამო სააგენტო outdoor.ge-ს დირექტორმა ზურაბ პერტაიამ განუცხადა. მისი თქმით, ამ ეტაპზე გარე სარეკლამო ბაზარი საკმაოდ დატვირთულია, თუმცა „თამბაქოს კონტროლის შესახებ“ ცვლილებების ამოქმედების შემთხვევაში, ბაზარზე შესაძლოა, მცირედი ცვლილებები მოხდეს. „ამ ეტაპზე სარეკლამო ბაზარი...

დეპოზიტების სავალდებულო დაზღვევა ამოქმედდა - თქვენს ანგარიშს თვეში 0.067%-ს ჩამოაჭრიან

person access_time2018-01-15 19:00:24
2018 წლის იანვრიდან ყველა პირს, რომელსაც თანხა ქართულ კომერციულ ბანკში აქვს განთავსებული, სპეციალური სახელმწიფო ფონდი აზღვევს. დეპოზიტების დაზღვევის სააგენტო თქვენი ანაბრიდან/მიმდინარე ანგარიშიდან სავალდებულო წესით, ყოველთვიურად ჩამოჭრის სპეციალურ საკომისიოს. სააგენტო ბანკის გაკოტრების შემთხვევაში 5000 ლარამდე თანხით აგინაზღაურებთ თქვენს ანაბარს. სახელმწიფო ფონდში სავალდებულო წესით გაწევრიანდება ყველა მეანაბრე. კანონის მიხედვით, ფონდი მეანაბრეებს ყოველთვიური საკომისიოს...

„მივიღე მტკივნეული გაკვეთილი - დისტანცია უნდა დავიჭირო იმ ქვეყნების შიდა პოლიტიკისგან, სადაც ჩემი ფონდი ოპერირებს“

person access_time2018-01-15 20:00:38
ჯორჯ სოროსის განცხადებით, იგი ნაციონალიზმის წინააღმდეგ ბრძოლას კვლავ აპირებს - იდეოლოგიის, რომელსაც იგი „დომინანტს“ უწოდებს. აღნიშნულთან დაკავშირებით მილიარდერმა ინვესტორმა Financial Times-თან ისაუბრა. საუბარი საქართველოს ყოფილ პრეზიდენტს, მიხეილ სააკაშვილსაც შეეხო. „დეჟა ვუ მაქვს - მსოფლიოში დომინანტი იდეოლოგია კვლავ ნაციონალიზმია. ევროკავშირი დაშლის პირას არის, რუსეთი კი ძალას იკრებს - ქვეყანა, რომელიც ნაციონალიზმზეა დაფუძნებული,“ განაცხადა...

რეგულაციების დაწესება სათამაშოების ბაზარზე - რას ითხოვენ ქართველი მწარმოებლები ხელისუფლებისგან

person access_time2018-01-16 10:20:35
პოპულარიზაცია, წარმოების ზრდა და უსაფრთხო სათამაშოები — ეს ის საკითხებია, რის დაყენებასაც სათამაშოების ქართველი მწარმოებლები სააგენტო „აწარმოე საქართველოს“ ფარგლებში დაგეგმილ შეხვედრაზე გაახმაურებენ. როგორ კომპანიებში აცხადებენ, სახელმწიფოს მხრიდან გარკვეული ნაბიჯები იდგმევა, თუმცა წარმოების გაზრდისთვის და ქართული პროდუქციის პოპულარიზაციისთვის ეს საკმარისი არ არის. როგორც ცნობილია, ადგილობრივ თუ საერთაშორისო ბაზრებზე არსებული გამოწვევებისა და...


მსგავსი სიახლეები