სულ უფრო მეტი კორპორაცია ნერგავს საქმიან მოგზაურობას, როგორც დამატებით შეღავათს თანამშრომლებისთვის, ნიჭიერი ადამიანების მოზიდვისა და შენარჩუნების სტრატეგიის ფარგლებში – ეს შედეგი აჩვენა გამოკითხვამ, რომელიც ჩატარდა Business Travel Show Europe-ის გამოფენის ფარგლებში, 192 რესპონდენტს შორის, ძირითადად დიდი ბრიტანეთიდან და კონტინენტური ევროპიდან.
აღმოჩნდა, რომ ორგანიზაციების 20.2% სამუშაოს მაძიებლებს შეღავათის სახით საქმიან ვიზიტებს სთავაზობს. ეს 18.6%-ით მეტია გასული წლის ანალოგიურ კვლევასთან შედარებით.
გამოკითხულთა 6%-ზე ოდნავ ნაკლებმა განაცხადა, რომ „bleisure“ მოგზაურობები, რომლებიც აერთიანებს სამუშაოსა და დასვენებას, მათი კორპორატიული თანამშრომლების შეღავათების პროგრამის ნაწილია, ხოლო 1.7% იძლევა „workcations“-ის საშუალებას, სადაც თანამშრომლებს შეუძლიათ დისტანციურად იმუშაონ დასასვენებელი ადგილიდან და არა ოფისიდან ან სახლიდან.
გამოკითხულთა ნახევარზე მეტი (52%) ამჟამად არ იყენებს საქმიან მივლინებებს თანამშრომლების თავიანთ კომპანიებში მოსაზიდად - თუმცა ეს მაჩვენებელი 2025 წლის 57%-თან შედარებით შემცირდა.
ვრცლად buyingbusinesstravel – ზე
