პოლონელმა მეცნიერებმა, საერთაშორისო სამეცნიერო ჯგუფის შემადგენლობაში, შეძლეს ლაზერის გამოყენებით 1200 წლის წინ მცხოვრები ადამიანების ტატუების დეტალური აღდგენა. ამის შესახებ „ევროპულსი“ წერს.
ექსპერტებმა შეისწავლეს 100-ზე მეტი ადამიანის მუმია, რომლებიც აღმოაჩინეს 1981 წელს პერუს ჰუაურას ხეობაში. ნაშთები ეკუთვნის ჩანკაის კულტურის წარმომადგენლებს, რომლებიც გაქრნენ მე-15 საუკუნეში ინკების მიერ დაპყრობის შემდეგ.
მუმიები დაფარული იყო მრავალი ტატუთი, მაგრამ დიზაინი არ ჩანდა, რადგან მელანი საუკუნეების განმავლობაში გაცვეთილი იყო.
მეცნიერებმა გადაწყვიტეს მუმიების კანი ლაზერით გაანათონ. კანი ანათებდა, მაგრამ მელანი მასში, ღრმა ფენებშიც, მუქი დარჩა. კონტრასტის წყალობით შესაძლებელი გახდა ორიგინალური ნიმუშების ნახვა.
მუმიების უმეტესობას ჰქონდა ტატუირებული გეომეტრიული ფორმები, როგორიცაა სამკუთხედები და რომბები, მაგრამ ასევე იყო ცხოველების ვარიანტები, განსაკუთრებით მაიმუნების გამოსახულებები.
