უკრაინელ ბიზნესმენ იგორ კოლომოისკი და პრივატბანკის ხუთი სხვა ყოფილი აღმასრულებელი ეჭვმიტანილი არიან საკრედიტო დაწესებულებიდან 9 მილიარდ გრივნაზე მეტის გაფლანგვაში. ამის შესახებ უკრაინის ანტიკორუფციული ბიუროს ტელეგრამარხი იტყობინება.
ეს ბანკის სახსრებთან დაკავშირებული საქმის მეოთხე ეპიზოდია. ბიზნესმენი სხვა ბრალდებით დააკავეს
გამოძიებამ დაადგინა, რომ 2015 წლის იანვარ-მარტში ბანკის საბოლოო ბენეფიციარმა, იმ დროს დნეპროპეტროვსკის რეგიონალური სახელმწიფო ადმინისტრაციის ხელმძღვანელმა შეიმუშავა პროვატბანკის თანხების დაუფლების სქემა კონტროლირებადი ოფშორული კომპანიის შემდგომი დაფინანსებისა და ბანკის საწესდებო კაპიტალში საკუთარი წილის გაზრდის მიზნით.“ - იტყობინება უკრაინის ანტიკორუფციული ბიურო და ეჭვმიტანილის სახელს არ ასახელებს, თუმცა ამ წელს სწორედ კოლომოისკი იყო დნეპროპეტროვსკის ოლქის გუბერნატორი.
ბიუროში აცხადებენ, რომ სქემის განსახორციელებლად, „ბანკი ხელოვნურად დაავალდებულეს გადაეხადა მითითებული კონტროლირებადი კომპანიისთვის 9.2 მილიარდი გრივნაზე მეტი, საკუთარი ობლიგაციების გაბერილი ღირებულებით გამოსყიდვის საბაბით“.
უკრაინის ანტიკორუფციული ბიურო ამ საქმეში კოლომოისკისა და "მის მიერ ორგანიზებული ჯგუფის ხუთ წევრის ბრალზე საუბრობდა, თუმცა მათი სახელები არ იყო დასახელებული, მაგრამ ისინი ყველანი იყვნენ Privatbank-ის მენეჯმენტის ნაწილი.
ბიურო ირწმუნება, რომ თანხის ნაწილი - 446 მილიონი გრივნა გადაირიცხა ხუთი იურიდიული პირის ანგარიშებზე, შემდეგ ისინი წავიდნენ კოლომოისკის ანგარიშზე.
ფორბსი კოლომოისკის ქონებას 1 მილიარდ დოლარად აფასებს. ბიზნესმენი „პრივატბანკის“ დამფუძნებელია, რომელიც 2016 წელს ნაციონალიზებული იქნა. ის ასევე იყო ნავთობგადამამუშავებელი კომპანიის Укртатнафта-სა და ნავთობისა და გაზის კომპანიის Укрнафты-ის უმსხვილესი აქციონერი, რომლებიც ასევე ნაციონალიზებული იქნა.
კოლომოისკი იყო დნეპროპეტროვსკის გუბერნატორი 2014–2015 წლებში.
