ესპანეთის პრემიერ-მინისტრის თანამდებობაზე პედრო სანჩესის დარჩენის მოთხოვნით ათასობით ესპანელმა აქცია გამართა. ამის შესახებ ინფორმაციას სააგენტო Reuters-ი ავრცელებს.
ესპანეთის „სოციალისტური პარტიის“ მხარდამჭერებმა მადრიდში პარტიის შტაბ-ბინასთან აქცია გამართეს და ესპანეთის პრემიერ-მინისტრს, პედრო სანჩესს თანამდებობაზე დარჩენისკენ მოუწოდეს.
შეგახსენებთ, რამდენიმე დღის წინ ესპანეთის სასამართლომ პედრო სანჩესის მეუღლის წინააღმდეგ, რომელიც კორუფციაშია ეჭვმიტანილი, გამოძიება დაიწყო. პედრო სანჩესმა განაცხადა, რომ დროებით საჯარო მოვალეობების შესრულებას აჩერებდა, რათა გადაეწყვიტა განაგრძობს თუ არა ესპანეთის მთავრობის ხელმძღვანელობას.
გავრცელებული ინფორმაციით, პედრო სანჩესი გადაწყვეტილებას 29 აპრილს გამოაცხადებს.
