ესპანურმა Banco Bilbao Vizcaya Argentaria-მ (BBVA) განაცხადა, რომ Banco de Sabadell-ის შესყიდვის შეთავაზება დაახლოებით 10%-ით გააუმჯობესა და მისი მცირე კონკურენტი 17 მილიარდ ევროდ შეაფასა.
BBVA ამჟამად Sabadell-ის ყოველ 4.8376 აქციაზე ერთ აქციას სთავაზობს. ადრე, BBVA მზად იყო, Sabadell-ის 5.5483 აქციაზე ერთი აქცია პლუს 0.70 ევრო ნაღდი ფული შეეთავაზებინა.
ახალი შეთავაზება დაახლოებით 3.39 ევროა, რაც წინა 3.084 ევროსთან შედარებით მეტია.
„ახლა გადახდა მხოლოდ აქციებით განხორციელდება, ამიტომ აქციონერები ესპანეთში გადასახადის გადახდას არ დაექვემდებარებიან“, - განაცხადა BBVA-მ პრესრელიზში.
ამავდროულად, BBVA-ს დირექტორთა საბჭომ განაცხადა, რომ არ აპირებს Sabadell-ის შეძენის შეთავაზების შემდგომ გაუმჯობესებას ან მისი ვადის გახანგრძლივებას.
