ვარშავაში მეტროს მეოთხე ხაზის (M4) პროექტირება დასრულდა. ეს პირველი სრულად ავტონომიური ხაზია და მატარებლები მძღოლების გარეშე იმოძრავებენ.
ახალი, 26-კილომეტრიანი ხაზი ქალაქის ცხრა რაიონს მოიცავს და 23 სადგური ექნება. წინასაპროექტო სამუშაოების დასრულება 2027 წლის ნოემბერში იგეგმება.
როგორც ქალაქის მერმა, რაფალ ტშასკოვსკიმ, განაცხადა, უსაფრთხო მოძრაობის მართვასთან დაკავშირებული ყველა ძირითადი ელემენტი ავტომატიზებულია GoA4-ის სისტემაში, რომელიც M4-ხაზზე დაინერგება.
მშენებლობის ზუსტი თარიღის დაზუსტება ჯერ ვერ ხერხდება, თუმცა, ქალაქის მერის პროგნოზით, მშენებლობა 2030-იან წლებში დაიწყება.
ამჟამად ვარშავის მეტრო ქვეყანაში ერთადერთია და ორი ხაზისგან შედგება, მესამე და მეოთხე კი პროექტირების ფაზაშია.
M4 პოლონეთის დედაქალაქში მიწისქვეშა ტრანსპორტის განვითარების ძირითად ელემენტად ითვლება და გადატვირთული პირველი ხაზის (M1) ალტერნატივა უნდა გახდეს.
ვარშავის მერი ხაზგასმით ამბობს, რომ მეტროს ახალი ხაზების მშენებლობა დაფინანსებაზე არის დამოკიდებული.
