მეცნიერებმა ზღვიდან ნიმუშები აიღეს, რათა მსოფლიო ოკეანის დონის მაჩვენებელი შეესწავლათ. ახალი კვლევები აჩვენებს, რომ მსოფლიო ოკეანის დონე ბოლო გამყინვარების შემდეგ დაახლოებით 8 000 წლის განმავლობაში იზრდებოდა.
ახალმა გეოლოგიურმა კვლევამ აჩვენა, რომ ზღვის დონე 38 მეტრითაა გაზრდილი. თანამედროვე სამყაროში არსებული გამოწვევებისა და მყინვარების მასიური დნობის ფონზე, მიღებული შედეგები მეცნიერებს დაეხმარებათ უკეთ გაიგონ, როგორ შეიძლება განვითარდეს მოვლენები გლობალური დათბობის პირობებში.
ზღვის დონის მატება ორ ეტაპს მოიცავს. პირველი დაახლოებით 10 300 წლის წინ გამდნარი წყლის მატების ხარჯზე მოხდა. მეორე კი - დაახლოებით 8300 წლის წინ, რაც არა მხოლოდ წყლის დნობასთან იყო კავშირში, არამედ ტბებიდან გამომავალი შენაკადების მატებით.
მეცნიერების თქმით, ამ ეტაპზე ზღვის დონე წელიწადში 3-4 მილიმეტრით იზრდება და, დიდი ალბათობით, საუკუნის ბოლოსთვის ეს მაჩვენებელი 4-9 მილიმეტრამდე გაიზრდება.
სპეციალისტების თქმით, ზღვის დონის მატება სერიოზული განხილვის საკითხს წარმოადგენს კლიმატური პირობების ცვლილებებისა და მოსახლეობის, ინფრასტრუქტურის, ეკონომიკური აქტივობის ზრდის ფონზე.
ცნობისთვის, გაეროში გლობალურ დათბობასთან ბრძოლის აუცილებლობაზე საუბრობენ და სათბურის აირების ემისიების შემცირების მნიშვნელობას აღნიშნავენ. მსოფლიო მეტეოროლოგიური ორგანიზაციის მტკიცებით, მყინვარების შენარჩუნება არა მხოლოდ ეკოლოგიური, ეკონომიკური და სოციალური აუცილებლობაა.
275 000 მყინვარი 700 ათასამდე კვადრატულ მეტრს ფარავს, თუმცა ეს ფართობი სწრაფად მცირდება კლიმატური პირობების ცვლილებების გამო. კერძოდ, დაკარგულია 450 მილიარდ ტონამდე ყინულოვანი მასა.
მსოფლიო მეტეოროლოგიურ ორგანიზაციაში განაცხადეს, რომ თუ დღევანდელი ყინულოვანი მასების დნობის მაჩვენებელი არ შეიცვლება ძალიან ბევრი მყინვარი აშშ-ში, კანადაში, სკანდინავიაში, ცენტრალურ ევროპაში, კავკასიაში და ახალ ზელანდიაში XXI-ე საუკუნეში უბრალოდ გაქრება.
ორგანიზაციაში ასევე აღნიშნეს, რომ მყინვარები მსოფლიო წყლის მარაგის 70%-ს შეიცავს. იმ შემთხვევაში თუ მყინვარები გაქრება, მილიონობით ადამიანი წყლის გარეშე დარჩება.
წყარო: imedinews.ge
