ეროვნულმა ბანკმა ფინანსური სექტორის ანალიტიკური ანგარიში გამოაქვეყნა, რომლის თანახმად, გაცვლითი კურსის ეფექტის გამორიცხვით დაკრედიტების ტემპი წინა წელთან შედარებით შემცირებულია.

მაისში ბიზნესის დაკრედიტების მატებამ 10.1% შეადგინა, გასულ წელს კი ზრდის ტემპი 15% იყო, ამასთან ცალკეულ სექტორებში წელს უფრო ნაკლები სესხი გაიცა ვიდრე 2022-ში.

კონკრეტული სექტორების მიხედვით, ბიზნესის დაკრედიტების მაჩვენებლები შემდეგია:

• ვაჭრობა და მომსახურება - 14.2%;
• ენერგეტიკა - მინუს 6.2%;
• სოფლის მეურნეობა - 2.2%;
• მშენებლობა - 15.2%;
• მრეწველობა - 5.8%;
• ტრანსპორტი - 7.2%;
• სხვა - 2,8%.

რაც შეეხება მთლიანად საკრედიტო პორტფელს, მისი ზომა 45.7 მილიარდ ლარს შეადგენს. აქედან 20.4 მილიარდი ლარის კრედიტები იურიდიულ პირებზე, 25.3 მილიარდის კრედიტები კი ფიზიკურ პირებზე არის გაცემული. გარდა ამისა, მთლიანი სესხების 55% ლარში, 45% კი უცხოურ ვალუტაში არის გაცემული.