ნათია თურნავა აზიის განვითარების ბანკის (ADB) რეგიონის დირექტორის მოვალეობის შემსრულებელს, კამელ ბუჰმადს ეროვნული ბანკის სათავო ოფისში შეხვდა.
შეხვედრაზე ADB-სთან თანამშრომლობის მნიშვნელობაზე ისაუბრეს და მიმოიხილეს ერთობლივი პროექტები, რომლებიც ბოლო წლებში ADB-ის მხარდაჭერით საქართველოში განხორციელდა.
საუბარი ასევე შეეხო მიმდინარე მაკროეკონომიკური ტენდენციებს და ფინანსური სტაბილურობის საკითხებს. საქართველოს ეროვნული ბანკის პრეზიდენტის მოვალეობის შემსრულებელმა, ნათია თურნავამ ყურადღება გაამახვილა იმ თანმიმდევრულ ნაბიჯებზე, რომლებსაც ეროვნული ბანკი გლობალური გამოწვევების საპასუხოდ დგამდა.
"აზიის განვითარების ბანკთან საქართველოს მრავალწლიანი თანამშრომლობა აკავშირებს. მათი მხარდაჭერით ჩვენს ქვეყანაში არაერთი ინფრასტრუქტურული პროექტი განხორციელდა. ADB-მ საქართველოს მდგრადი და ინკლუზიური ზრდის მხარდასაჭერად პროგრამული დახმარება გამოყო, რომელმაც ხელი შეუწყო COVID-19-ის კრიზისის შემდგომი შოკების ფონზე საქართველოს ფისკალური მდგრადობის გაზრდას და ქვეყანას რუსეთის მიერ უკრაინაში შეჭრის შედეგად გაზრდილ ეკონომიკურ გაურკვევლობასთან გამკლავებაში დაეხმარა. ამასთან აღსანიშნავია, რომ ADB აქტიურად უჭერს მხარს საქართველოს ფასიანი ქაღალდების ბაზრების განვითარებას. ამ მიზნით, აზიის განვითარების ბანკმა 2019 წელს ლარის ობლიგაციები გამოუშვა, რამაც ხელი შეუწყო ეროვნული ბანკის მიერ გაცხადებული ლარიზაციის პოლიტიკის გაძლიერებას", - განაცხადა ნათია თურნავამ.
ნათია თურნავა აზიის განვითარების ბანკის ხელმძღვანელს შეხვდა

დონალდ ტრამპი აცხადებს, რომ ორი კვირის განმავლობაში გადაწყვეტს, შემოიღოს თუ არა სანქციები რუსეთის წინააღმდეგ, თუ „საერთოდ არაფერი“ გააკეთოს
შსს ნარკოტიკების უკანონო ბრუნვისა და გავრცელების წინააღმდეგ შეურიგებელ ბრძოლას აგრძელებს- ალექსანდრე დარახველიძე
,,ჩვენ ვერ დავეთანხმებით იმ ფაქტს, რომ ახლა შემოთავაზებულია კოლექტიური უსაფრთხოების საკითხების გადაწყვეტა რუსეთის ფედერაციის გარეშე"- ლავროვი
ევროპელებმა სცადეს, ნაფტალინიდან ამოეღოთ კონფლიქტი, რომელიც აქტუალური აღარ არის, რათა ძირი გამოუთხარონ რუსეთს-საქართველოს ურთიერთობის ნორმალიზაციის ძალისხმევას - რუსეთის რწმუნებული გაეროში 2008 წლის ომზე
,,პუტინი ევროპელებისთვის საფრთხეა და ჩვენ გულუბრყვილოები არ უნდა ვიყოთ" - მაკრონი