ლიტვის რკინიგზის ჯგუფ LTG Cargo-ს სატვირთო სატრანსპორტო კომპანიამ გენერალურ პროკურატურას მიმართა, რომ გამოიძიოს საერთაშორისო სანქციების დარღვევით, მესამე ქვეყნებისთვის განკუთვნილი ძვირადღირებული მანქანების რუსეთში ექსპორტის შემთხვევები. ამის შესახებ უკრაინული მედია წერს.
კომპანია ვარაუდობს, რომ მანქანები, რომლებიც ვითომ განკუთვნილია მესამე ქვეყნებისთვის - ბელორუსია, ყაზახეთი, ყირგიზეთი, უზბეკეთი, ტაჯიკეთი, საქართველო, თურქმენეთი - რეალურად რუსეთში მიდის.
LTG Cargo-მ შიდა გამოძიება ჩაატარა და დაადგინა, რომ ლიეტუვას გავლით, რუსეთში, სანქციების გვერდით ავლით ძვირადღირებული ავტომობილები შედის. ამისათვის კომპანიამ მასალები შეაგროვა გენერალურ პროკურატურას გადასცა.
LTG Cargo-მ გააანალიზა ინფორმაცია 447 Mercedes-ის, Porsche Cayenne-ს, Cadillac-ის და სხვა ძვირადღირებული მანქანების შესახებ. აღმოჩნდა, რომ მათგან 75 რუსეთში იყო რეგისტრირებული, 55 - სხვა ქვეყნების გავლით, 279 მანქანისთვის მონაცემები რეგისტრაციის ადგილის შესახებ არ იყო.
სანქციების თავიდან აცილების შესაძლო სქემაში ოთხი კომპანია იყო ჩართული.
„ჩვენ ვაცნობეთ ჩვენს მომხმარებლებს, რომ კომპანიების მიერ სანქციების გვერდის ავლით გამოწვეული მიუღებელი რისკის გამო, LTG Cargo შეწყვეტს ყველა ძვირადღირებული მანქანების სარკინიგზო ტრანსპორტირებას ლიტვის გავლით“, - განაცხადა LTG Cargo-ს აღმასრულებელმა დირექტორმა ეგლე შიმემ.
ამრიგად, 2023 წლის 1 დეკემბრიდან კომპანია არ დაამტკიცებს განაცხადებს 50 000 ევროზე მეტი ღირებულების ძვირადღირებული მანქანების მესამე ქვეყნებში სარკინიგზო ტრანსპორტირებაზე.
შეგახსენებთ, რომ ნოემბრიდან ლიეტუვის საბაჟო აძლიერებს კონტროლს ლიეტუვის გავლით რუსეთსა და ბელარუსში საქონლის იმპორტზე, რათა თავიდან აიცილოს სანქციების შესაძლო გვერდის ავლით.
