ქართულმა რესტორანმა Nunuka-მ მიშლენის რეკომენდაცია მეოთხედ მიიღო, - ინფორმაციას ამის შესახებ რესტორნის ინსტაგრამ გვერდი ავრცელებს.
Nunuka მადრიდის შუაგულში პანდემიის შემდეგ გაიხსნა, მიშლენის პირველი რეკომენდაცია კი 2023 წლის მაისში მიიღო.
“ნუნუკას” ინტერიერის დიზაინში ბევრ ქართულ ელემენტს შეხვდებით, მათ შორის - რამდენიმე ძველ ნივთს, რომელიც რესტორნის დამფუძნებელმა ესპანეთში საქართველოდან, ბებიის სახლიდან წაიღო. სწორედ მისი ბებიის სახელს - ატარებს მადრიდის შუაგულში მდებარე ქართული რესტორანი.
მადრიდში მდებარე ქართული რესტორნის სამზარეულოს შეფმზარეული დავით ნარიმანიშვილის უძღვება.
რესტორნის მენიუში შეხვდებით ისეთ კერძებს, როგორიცაა: ხარჩო ელარჯით, შქმერული თაშმიჯაბით, თევზის საცივი გურულად და ქართული სალათა კიტრი-პომიდვრითა და კახური ზეთით, ასევე აჭარულ, იმერულ, მეგრულ და გურულ ხაჭაპურს.
