კოლუმბიიდან ყავის ექსპორტი პრაქტიკულად შეჩერდა 10 აგვისტოს მომხდარი 7.4 მაგნიტუდის მიწისძვრის შემდეგ. ბუენავენტურას მთავარი პორტი ნანგრევებისა და გზების დაკეტვის გამო საზღვაო მარშრუტებისგან მოწყვეტილი აღმოჩნდა, – Bloomberg წერს, რომ ამის შესახებ ამის შესახებ ყავის ექსპორტიორთა ასოციაციის, Asoexport–ის, ხელმძღვანელმა გუსტავო გომესმა განაცხადა.
წყნარი ოკეანის სანაპიროზე მდებარე ბუენავენტურა კოლუმბიის მთავარ პორტად რჩება ყავის საზღვარგარეთ გადაზიდვისთვის. მიწისძვრის შედეგების გამო, მასზე წვდომა ამჟამად შეზღუდულია.
გომესის თქმით, კომპანიებს მხოლოდ ინდივიდუალური მიწოდებების ორგანიზება შეუძლიათ, თუმცა სრული მომსახურების აღდგენის ვადები ჯერ კიდევ უცნობია.
სიტუაციამ გავლენა მოახდინა იმ რეგიონებზე, სადაც ამჟამად მოსავლის აღება მიმდინარეობს. ესენია კაუკა, ნარინიო, ვალე დელ კაუკა და უილა. იქ წარმოებული ყავის მნიშვნელოვანი ნაწილი, როგორც წესი, ბუენავენტურაში იგზავნება შემდგომი ექსპორტისთვის.
ქვეყნის სხვა მსხვილი პორტები — კარტახენა და სანტა მარტა კარიბის ზღვის სანაპიროზე — აგრძელებენ ფუნქციონირებას მნიშვნელოვანი შეფერხებების გარეშე. თუმცა, სატვირთო ტრანსპორტის დეფიციტის გამო, დაზარალებული რეგიონებიდან ნაკადების გადამისამართება რთულია.
მიწისძვრის შემდეგ ყავის ქარხნებისთვის მნიშვნელოვანი ზიანის შესახებ ინფორმაცია არ დაფიქსირებულა. თუმცა, ელექტროენერგიისა და კომუნიკაციის გათიშვა გავლენას ახდენს წარმოებაზე.
ზოგიერთი საწარმო ასევე აწყდება პერსონალის დეფიციტს. ზოგიერთმა მუშაკმა მიწისძვრის გამო სახლი დაკარგა და სამსახურში სიარული არ შეუძლია.
