უნდა ვუთხრათ თუ არა ხელოვნურ ინტელექტს „გთხოვთ“ და „მადლობა“ და თავაზიანად ჩამოვაყალიბოთ კითხვები? ავსტრიელმა მკვლევრებმა აღმოაჩინეს, რომ ხელოვნურ ინტელექტთან ურთიერთობის მანერა ნამდვილად მოქმედებს მის მიერ გაცემულ პასუხებზე.
მასშტაბური ექსპერიმენტისთვის, ინსბრუკის უნივერსიტეტის მკვლევრებმა სამი ენობრივი მოდელის გამოყენებით 18 000 საუბრის სიმულირება მოახდინეს. მკვლევრებმა გამოიყენეს კომუნიკაციის ხუთი განსხვავებული სტილი, მათ შორის უხეში.
როგორც კვლევამ აჩვენა, თუ მომხმარებელი ჩატბოტს რეალურ თანამოსაუბრედ და არა მანქანად აღიქვამდა, ის უფრო სასარგებლო და დეტალურ ინფორმაციას იღებდა. ასეთი მომხმარებლები თავაზიანად აყალიბებდნენ კითხვებს, გამოხატავდნენ მადლიერებას ინფორმაციისთვის და ზოგჯერ ბოდიშსაც კი იხდიდნენ ასისტენტებისგან, თუ ისინი ადრე უსამართლოდ ადანაშაულებდნენ მათ შეცდომებში.
როდესაც მომხმარებლები ხელოვნურ ინტელექტს ისეთივე თავაზიანად მიმართავდნენ, როგორც რეალურ ადამიანს, მათ თითქმის ორჯერ უფრო გრძელი და დეტალური პასუხები მიიღეს, ვიდრე ძალიან მოკლე მოთხოვნის შემთხვევაში იქნებოდა. ეს პასუხები ასევე ერთნახევარჯერ მეტ სასარგებლო ინფორმაციას შეიცავდა.
უხეშობა, პირიქით, მნიშვნელოვნად ამცირებდა ხელოვნური ინტელექტის ასისტენტებთან კომუნიკაციის ეფექტურობას. არათავაზიან მოთხოვნაზე პასუხისთვის მოდელებს შეეძლოთ უფრო დიდხანს პასუხის ძებნა, რომელიც, როგორც წესი, ძალიან ლაკონური იყო და მცირე ინფორმაციას შეიცავდა. გარდა ამისა, ეს ინფორმაცია დამატებით გადამოწმებას საჭიროებდა.
ამავდროულად, მკვლევრებმა აღმოაჩინეს, რომ ხელოვნურ ინტელექტთან საუბრის მანერა ასევე გავლენას ახდენს მოხმარებული ენერგიის რაოდენობაზე. გრძელი პასუხები დამატებით გამოთვლით რესურსებს მოითხოვს, ამიტომ ჩატბოტთან საუბრისას უბრალო ადამიანურ თავაზიანობას თავისი ფასი აქვს.
