ირლანდიაში საპრეზიდენტო არჩევნებში მემარცხენე დამოუკიდებელმა კანდიდატმა, კეტრინ კონოლიმ გაიმარჯვა.
ირლანდიური მედიის ცნობით, წინასწარი მონაცემის მიხედვით, 68 წლის კონოლიმ ამომრჩეველთა ხმების 63% დააგროვა.
მისი მეტოქე იყო სოციალური დაცვის ყოფილი მინისტრი ჰეზერ ჰამფრისი, რომელსაც მხარი დაუჭირა საარჩევნო უბანზე მისულმა მოქალაქეთა 29%-მა.
ამასთანავე, არჩევნების წინასწარი შედეგებით, ირლანდიის ისტორიაში პირველად, ბიულეტენების 13%-ზე მეტი გაბათილდა. კეტრინ კონოლის გამარჯვება უკვე მიულოცა ირლანდიის პრემიერ-მინისტრმა, მიჰოლ მარტინმა.
ირლანდიაში არჩევნები 24 ოქტომბერს გაიმართა. ცნობისთვის, კეტრინ კონოლი ირლანდიის პარლამენტში ერთ-ერთ ყველაზე პრ-პალესტინურ პოლიტიკოსად ითვლება. მან კოალიციის ფორმირება ოპოზიციური პარტიების უმრავლესობის გაერთიანების გზით შეძლო.
ირლანდიაში პრეზიდენტის პოსტი ცერემონიალურია, თუმცა ადგილობრივმა მედიამ კონოლის გამარჯვება მემარჯვენე-ცენტრისტული მთავრობის სირცხვილად შეაფსა.
