2030 წლისთვის იაპონური სტარტაპი Toregem Biopharma გამოუშვებს წამალს, რომელიც ადამიანებს საკუთარი ახალი კბილების გაზრდაში დაეხმარება. ამის შესახებ ადგილობრივი სააგენტო Kyodo წერს.
როგორც გამოცემა აღნიშნავს, პრეპარატმა კბილები უნდა გაზარდოს მათი ქსოვილის წარმონაქმნებიდან, რომლებიც მდებარეობს პირის ღრუში. აგენტმა უნდა დათრგუნოს ცილის მოქმედება, რომელიც მათი განვითარების პროცესს აჩერებს.
მეცნიერები ვარაუდობენ, რომ ჩამოყალიბებული რუდიმენტები შეძლებენ ჩაანაცვლონ ამოვარდნილი ან ჩამოცვენილი კბილები. 2018 წელს მათ უკვე შეძლეს ეს თაგვებში.
პრეპარატის პირველი კლინიკური კვლევები ადამიანებზე 2024 წლის ზაფხულშია დაგეგმილი. მეცნიერებს სურთ დაადასტურონ მისი უსაფრთხოება და ეფექტიანობა ადამიანებში.
