ამერიკულმა კომპანია GameStop–მა, რომელიც ვიდეო თამაშებისა და სამომხმარებლო ელექტრონიკის მაღაზიების ქსელს ფლობს, არასავალდებულო შეთავაზება გააკეთა მსოფლიოში უდიდესი ონლაინ აუქციონის საიტის, eBay Inc.-ის, 55.5 მილიარდ დოლარად შესაძენად, – ნათქვამია პრეტენდენტის პრესრელიზში.
ის აპირებს, გარიგების ღირებულების ნახევარი ნაღდი ფულით, ნახევარი კი საკუთარი აქციებით გადაიხადოს, eBay-ის თითო აქციაზე 125 დოლარის ფასად.
ნაღდი ფულის ნაწილის დაფინანსება დაგეგმილია GameStop-ის ბალანსზე არსებული ნაღდი ფულითა და „ლიკვიდური ინვესტიციებით“ (იანვრის ბოლოს 9.4 მილიარდი დოლარი), ასევე მესამე მხარის კაპიტალით, მათ შორის, სავარაუდოდ, 20 მილიარდ დოლარამდე, რომელსაც TD Securities უზრუნველყოფს.
წყაროებმა The Wall Street Journal-ს განუცხადეს, რომ GameStop-მა შესაძლოა ასევე სცადოს ახლო აღმოსავლეთის სუვერენული სიმდიდრის ფონდების მოზიდვა.
