ნიდერლანდური KLM, Lufthansa და Air France იმ მსხვილ ევროპულ ავიაკომპანიებს შორის არიან, რომლებმაც აშშ-სა და ირანის შესაძლო სამხედრო დაპირისპირების საფრთხის გამო, ახლო აღმოსავლეთის მიმართულებით ფრენები შეაჩერეს. გაუქმდა ფრენები ისრაელის, დუბაისა და ერ-რიადის მიმართულებებით.
Air France-მა განაცხადა, რომ გეოპოლიტიკური დაძაბულობის ფონზე დუბაის მიმართულებით რეისებს დროებით აჩერებდა. ამასთან, ჰოლანდიურმა ავიაკომპანიამ KLM-მა შეაჩერა ის ფრენები, რომლებისთვისაც ირანის, ერაყის და რეგიონის სხვა ქვეყნების საჰაერო სივრცეში შესვლაა საჭირო.
ფრენების მოულოდნელი შეწყვეტა აშშ-ს მიერ ირანის წინააღმდეგ, რეჟიმის მიერ დემონსტრანტების სასტიკი დარბევის გამო, სამხედრო ძალის გამოყენების რისკს უკავშირდება.
