26 ოქტომბრის შუალედურ არჩევნებში არგენტინის ლიბერტარიანულმა პარტიამ La Libertad Avanza მნიშვნელოვანი გამარჯვება მოიპოვა. პარტია მთავარ ოპონენტ, პერონისტულ-კირშნერისტულ კოალიცია Fuerza Patria-ს თითქმის 9%-იანი სხვაობით აჯობა. 99.2%-ით დათვლილი ხმების მიხედვით, შედეგები ასე გამოიყურება:

  • La Libertad Avanza – 40.66%

  • Fuerza Patria – 31.7%

არჩევნები დეპუტატთა პალატასა და სენატში ნაწილობრივ მანდატებს განახლებდა – შესაბამისად, 127 დეპუტატი და 24 სენატორი უნდა არჩევოდათ. მთავარ პარტიებს შორის მანდატები ასე ნაწილდება:

დეპუტატთა პალატა:

  • La Libertad Avanza – 93 დეპუტატი (37 წინა არჩევნებიდან)

  • Fuerza Patria – 97 დეპუტატი (101 წინა არჩევნებიდან)

  • PRO – 14 დეპუტატი (35 წინა არჩევნებიდან)

სენატი:

  • La Libertad Avanza – 20 სენატორი (7 წინა არჩევნებიდან)

  • Fuerza Patria – 28 სენატორი (34 წინა არჩევნებიდან)

  • PRO – 6 სენატორი (8 წინა არჩევნებიდან)

ცნობისთვის, La Libertad Avanza და PRO კოალიციურად თანამშრომლობენ.

არჩევნების შედეგად, ლიბერტარიანულმა პარტიამ დეპუტატთა პალატაში მანდატების რაოდენობით 1/3-ს ზღვარს გადააჭარბა, რაც უზრუნველყოფს არა მხოლოდ პრეზიდენტის გადაწყვეტილებებისა და ვეტოების შენარჩუნებას, არამედ საკმარისი ხმების მობილიზებასაც კოალიციის დახმარებით რეფორმების გასატარებლად.