მოსალოდნელია, რომ მზის პანელების გლობალური დამონტაჟება კიდევ ერთ რეკორდულ ნიშნულს მიაღწევს – ამის შესახებ ნათქვამია საერთაშორისო ენერგეტიკული კვლევითი ცენტრის Ember-ის ანალიზში.
Ember-ის მონაცემებით, 2025 წლის პირველ ექვს თვეში მსოფლიოში მზის ენერგიის ახალი სიმძლავრე 380 გიგავატით გაიზარდა, რაც 64%-ით მეტია 2024 წლის ანალოგიურ პერიოდთან შედარებით, როდესაც 232 გიგავატი დამონტაჟდა.
2024 წელს, მზის ენერგიის გლობალური სიმძლავრის დამატებამ მხოლოდ სექტემბერში გადააჭარბა 350 გიგავატს, ხოლო 2025 წელს ეს ეტაპი ივნისში იქნა მიღწეული.
ბოლო წლებში მზის ენერგიის სიმძლავრის სწრაფმა გაფართოებამ ის ახალი ელექტროენერგიის გენერაციის ყველაზე სწრაფად მზარდ წყაროდ აქცია. 2024 წელს, გლობალური მზის ენერგიის გამომუშავება 2023 წელთან შედარებით 28%-ით (+469 ტერავატ/სთ) გაიზარდა, რაც სხვა ნებისმიერ წყაროზე მეტია.
