როგორ შეცვალა ერთმა კომპანიამ საქართველოს კულტურული ლანდშაფტი, – ბრიტანული ბიზნესგამოცემა International Business Times-ი ქართულ კომპანია Starring Georgia-ს შესახებ სტატიას აქვეყნებს. სტატიაში განხილულია, როგორ შეცვალა Starring Georgia-მ ქვეყნის თანამედროვე კულტურული და გასართობი ინდუსტრია.
როგორც Contributor Content-ის რუბრიკით გამოქვეყნებულ მასალაშია ნათქვამი, წლების წინ ვერავინ წარმოიდგენდა, რომ შავი ზღვის სანაპირო საერთაშორისო აღიარებას მოიპოვებდა და მას ცნობილი ვარსკვლავები ეწვეოდნენ.
„როდესაც შავი ზღვის რეგიონზე ვფიქრობთ, მახსენდება ულამაზესი სანაპირო ზოლი, თბილი სტუმართმოყვარეობა და სანაპირო კურორტები. თუმცა, რამდენიმე წლის წინ ძნელი წარმოსადგენი იყო, რომ ეს ადგილები საერთაშორისო აღიარებას მოიპოვებდნენ თავიანთი კულტურული მნიშვნელობის გამო. Black Sea Arena-მ შეკვეთილი ადგილად აქცია, სადაც მსოფლიო დონის მუსიკოსები ჩადიან“, – წერს მასალის ავტორი.
სტატიაში აღნიშნულია, რომ Starring Georgia არის კომპანია, რომლის მიზანია საქართველოს, როგორც გლობალური კულტურული და გასართობი დანიშნულების ადგილის დამკვიდრება და ის წარმატებით აღწევს ამ მიზანს.
„იმისთვის, რომ საქართველო საერთაშორისო ღონისძიებების რეგულარული მასპინძელი და მუსიკისა და გართობის ინდუსტრიის რეგიონული ცენტრი გამხდარიყო, მნიშვნელოვანი ტექნოლოგიური წინსვლა იყო საჭირო. Starring Georgia-ს მთავარი გამოწვევა ნათელი იყო: ყველა საკონცერტო დარბაზის თანამედროვე სტანდარტებთან შესაბამისობაში მოყვანა. ამ ძალისხმევის წყალობით, საქართველოს ახლა აქვს ხმის სისტემები და აღჭურვილობა, რომლებიც თანაბრად კარგად მუშაობს როგორც ახალი ინდი ჯგუფებისთვის, ასევე 50-წლიანი ისტორიის მქონე მუსიკალური ლეგენდებისთვის. L-Acoustics, Eurotruss და Claypaky, ეს ბრენდები დიდი ხანია, აწესებენ უმაღლეს სტანდარტებს გლობალურ მუსიკალურ ინდუსტრიაში. მათი ინტეგრაცია საქართველოს რეალობაში ნიშნავს, რომ ადგილობრივი დარბაზები სრულად აკმაყოფილებენ საერთაშორისო მოთხოვნებს, რომლებსაც ყველა მასშტაბური კონცერტის ჩატარება მოითხოვს“, – წერს გამოცემა.
International Business Times-ი წერს, რომ ბოლო რამდენიმე წლის აქტიურმა მუშაობამ ნათლად აჩვენა Starring Georgia-ს გავლენა შავი ზღვის რეგიონზე – მასშტაბურმა შოუებმა და მუსიკალურმა ფესტივალებმა რადიკალურად შეცვალა მუსიკალური ტურიზმის ლანდშაფტი რეგიონში.
