პოლიტოლოგი არჩილ გამზარდია განათლების რეფორმებს ეხმაურება:
"საბჭოთა სკოლის მოდელის ძირითადი პრინციპები:
1. ცენტრალიზაცია (ერთიანობა):განათლების სისტემის მკაცრი ცენტრალიზებული მართვა სახელმწიფოს მხრიდან.
2. ერთიანი სასწავლო გეგმა და პროგრამები მთელი ქვეყნის მასშტაბით (ე.წ. „ერთ თარგზე მორგება“).
3. სისტემის სრული დაქვემდებარება სახელმწიფო პოლიტიკას.
4. იდეოლოგიზაცია.
5. ხელისუფლებისადმი მორჩილი და "სასურველი" თაობის აღზრდა.
6. ერთიანი სასკოლო ფორმა.
7. სკოლის შერჩევა მხოლოდ ტერტორიული სიახლოვის პრინციპით.
8. ერთი და იგივე სავალდებულო სახელმძღვანელოები.და ა.შ.მოკლედ, საბჭოთა სკოლა იყო ცენტრალიზებული, იდეოლოგიზებული და სახელმწიფო ინტერესებზე ორიენტირებული სისტემა.
განათლების ამჟამინდელი რეფორმა ერთი ერთში ბრუნდება რამდენიმე ათწლეულით უკან საბჭოთა განათლების სისტემაზე," - წერს გამზარდია სოც.ქსელში.
შეგახსენებთ, პრემიერ-მინისტრმა, ირაკლი კობახიძემ განაცხადა, რომ მე-12 კლასი შენარჩუნდება მხოლოდ კერძო სკოლებში, საჯარო სკოლები კი 11-წლიან სწავლებაზე გადავა. მან ასევე ისაუბრა სპეც-კლასების შექმნაზეც, ვინც მაინც გადაწყვეტს მე-12 კლასის დასრულებას.
