2025 წლის იანვარ-ივლისის პერიოდში, საქართველოში გარგარის იმპორტი 38.7%-ით გაიზარდა. ამის შესახებ „საქსტატის“ მონაცემებიდან ვიგებთ.
კერძოდ, ქვეყანამ წლევანდელ 7 თვეში 3 002 ტონა გარგარი შეიძინა, რისთვისაც ჯამურად 1.489 მლნ აშშ დოლარი გადაიხადა. ცნობისთვის, გასულ წელს, 1.066 მლნ აშშ დოლარის ღირებულების, 2 165 ტონა გარგარი ვიყიდეთ.
როგორც მონაცემებიდან ვარკვევთ, საქართველოს წლევანდელ იანვარ-ივლისში კილოგრამი გარგარის შეძენა 0.496 აშშ დოლარი უჯდება, რაც ნიშნავს, რომ პროდუქტი პრაქტიკულად არ გაძვირებია - 2024-ის 7 თვეში 0.492 აშშ დოლარად ყიდულობდა.
აღსანიშნავია, რომ საქართველოსთვის გარგარის მთავარი იმპორტიორი გახლდათ სომხეთი რომლისგანაც სრული რაოდენობის 93.28% შეიძინა.
გარგარის იმპორტი საქართველოში, 2025 წლის იანვარ-ივლისის პერიოდში:
სომხეთი - 2 800 ტონა - 1.36 მლნ აშშ დოლარი;
თურქეთი - 104.7 ტონა - 58 700 აშშ დოლარი;
აზერბაიჯანი - 60 ტონა - 36 800 აშშ დოლარი;
უზბეკეთი - 19.7 ტონა - 15 100 აშშ დოლარი;
თურქმენეთი - 18 ტონა - 18 000 აშშ დოლარი;
ნიდერლანდები - 300 აშშ დოლარი.
ინფორმაციისთვის აღვნიშნოთ ისიც, რომ აღნიშნულ საანგარიშო პერიოდში საქართველოდან, 173 800 აშშ დოლარის ღირებულების, 167.2 ტონა გარგარი გავიდა, რაც წლიურად 143%-იანი ზრდაა.
