ევროპელები ხელს უშლიან უკრაინის კონფლიქტის მშვიდობიან რელსებზე გადაყვანის მცდელობებს, - ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.
მისი თქმით, რუსეთი მადლიერია აშშ-ის პრეზიდენტის, დონალდ ტრამპის მიმართ, რომელიც ამ კონფლიქტის მშვიდობიანი გზით დარეგულირებას ცდილობს.
„ევროპელები ხელს უშლიან ამ მცდელობებს, ევროპელები ბორბლებში ჯოხებს ურჭობენ“, - აღნიშნა პესკოვმა.
მისი მტკიცებით, ევროპელი პოლიტიკოსების ქმედებები მკვეთრად ეწინააღმდეგება რუსეთის პრეზიდენტის, ვლადიმერ პუტინის და აშშ-ის პრეზიდენტის, დონალდ ტრამპის მიდგომას.
„ევროპული ომის პარტია ძირითად ტენდენციას ინარჩუნებს, ისინი არ ცხრებიან. ეს მკვეთრად ეწინააღმდეგება იმ მიდგომას, რომელსაც ჩვენი პრეზიდენტი, პრეზიდენტი პუტინი და აშშ-ის პრეზიდენტი ტრამპი იცავენ“, - აღნიშნა პესკოვმა.
