სამორინეების ინკოგნიტო ბარათები - ფულის გათეთრების საფრთხეზე დეპუტატებიც საუბრობენ

სამორინეების ინკოგნიტო ბარათები - ფულის გათეთრების საფრთხეზე დეპუტატებიც საუბრობენ

access_time2020-01-22 11:30:18

საქართველოში ფულის გათეთრების ყველაზე მაღალი რისკი სათამაშო ბიზნესშია. ამის შესახებ ექსპერტების შემდეგ უკვე დეპუტატებიც ალაპარაკდნენ. მათი შეფასებით, სექტორში არსებული რისკი საშუალო და მაღალ დონეზეა.  მისი განცხადებით, ფულის გათეთრების რისკებზე მიუთითებს კაზინოების ინკოგნიტო ბარათებიც, რის მეშვეობითაც ანგარიშსწორება გამჭვირვალე არ არის.

 

„ის ფაქტი, რომ კაზინოს ბარათები დახურულ ბრუნვაში მოქმედებს,  ფულის გათეთრების შანსს ზრის.“-ასე გამოეხმაურა კაზინოების ინკოგნიტო ბარათებს და მასთან დაკავშირებულ საკითხებს პარლამენტის  დამოუკიდებელი მაჟორიტარი დეპუტატი დავით ჭიჭინაძე.



„როდესაც დახურულ სივრცეში ხდება ფულის მიმოქცვა, თან ისეთ ბარათებზე,რომლის შესახებ ბევრი არაფერი  ვიცით, არ არის ცნობილი მისი ბრუნვის მოცულობა, რასაკვირველია  ხელს უწყობს ფულის გათეთრებას.ნებისმიერი დაწესებულება-კაზინო იქნება ეს თუ სხვა რამ, უნდა იყოს ხილულ ბრუნვაზე მიბმული, განსაკუთრებით ფისკალური ორგანოებისთვის.“-აცხადებს დავით ჭიჭინაძე და იმასაც უსვამს ხაზს, რომ ნებისმიერ  სამორინეს აქვს შესაძლებლობა მოთამაშის გავლით ფული გაათეთროს ან სხვა სახის არალეგალური გადარიცხვები განახორციელოს.


„მოთამაშეს დაურიცხავენ  კაზინოს ბარათზე თანხას და არა მხოლოდ თამაშის მიზნით მოიხმარს, არამედ შეუძლია ქრთამიც კი დამალოს. ასეთი  ბარათები ლეგალურად  არ უნდა ითვლებოდეს.“-აცხადებს ჭიჭინაძე.

 

დამოუკიდებელი მაჟორიტარი დეპუტატი კაზინოების მხრიდან ფულის გათეთრების საკითხში, ეროვნული ბანკის პასუხისმგებლობაზეც საუბრობს.



„ქვეყანაში ყველაფერი რაც ანგარიშსწორებასთანაა კავშირში, კონსტიტუციით მხოლოდ ეროვნულ ბანკის  ვალდებულება და  უფლებაა რეგულაციის ფარგლებში მოაქციოს. სებ-ი კი ცდილობს მაქსიმალურად აარიდოს თავი პასუხისმგებლობას.“

 

დეპუტატი საკითხში სახელმწიფოს როლზეც საუბრობს და აღნიშნავს, რომ სახელმწიფომ აუცილებლად უნდა გაატაროს შესაბამისი პოლიტიკა. მათი პირველი ნაბიჯი  კი უნდა იყოს ის, რომ კაზინოდან მიღებული შემოსავალი  არალეგალურად ჩაითვალოს. 


„კომერსანტს’ კითხვაზე აპირებს თუ არა აღნიშნულ საკითხთან დაკავშირებით  პარლამენტში ინიციატივით შესვლას, დეპუტატი პასუხობს რომ, თავად ყველანაირ ზომას მიმართავს, თუმცა,  ხელისუფლება გადასულია არააქტუალურ თემებზე. ისეთი საკითხები,რომელიც საზოგადოებისთვის ყველაზე მტკივნეულია, სათამაშო ბიზნესი თუ საბანკო საქმიანობა,  მათ არ აინტერესებსთ.  მათ შორის, არ აინტერესებთ  შრომის კოდექსიც.

 

დავით ჭიჭინაძისგან განსხვავებით, საკითხს არ იცნობს და კითხვაზე პასუხის გაცემას თავს არიდებს, საფინანსო კომიტეტის თავმჯდომარის მოადგილე, პაატა კვიჟინაძე. კომიტეტში, რომელიც წესით ყველაზე მეტად უნდა ინტერესდებოდეს მსგავსი საკითხებით, ჩვენს მიერ დასმულ კითხვაზე, ხედავენ თუ არა კაზინოების ინკოგნიტო ბარათებში ფულის გათეთრების საფრთხეს,არ გვპასუხობენ. კომიტეტის თავმჯდომარე ირაკლი კოვზანაძე მედიაჰოლდინგის ზარებს არ პასუხობს, მისი მოადგილე პაატა კვიჟინაძე კი  განმარტავს, რომ  აღნიშნული საკითხით მხოლოდ მაშინ დაინტერესდება თუ კანონს შემოიღებენ და პარლამენტში საკითხის განხილვას დაიწყებენ.


შეგახსენებთ, „კომერსანტი“ რამდენიმე დღის წინ  წერდა, რომ სათამაშო ბიზნესი თავის წესებით თამაშობს და იმ მომხმარებლებს, რომლებსაც კომერციული ბანკების გვერდის ავლით საკუთარი ანგარიშის კონტროლი სურთ, გამოსავალს სთავაზობს.


გამოსავალი კი ინკოგნიტო პლასტიკური ბარათებია, რომელიც სამორინეებმა შექმნეს. ექსპერტების მოსაზრებით, ეს არის გზა, რომელიც კიდევ უფრო მეტ ადამიანს აქცევს ჭარბვალიანად, გაართულებს მომხმარებლების ფინანსური მდგომარეობის ანალიზს და გაზრდის საბანკო რისკებს.  აშშ-ის საგადასახადო სამსახურის მიერ ლიცენზირებულმა ექსპერტმა თემურ ბასილიამ კი „კომერსანტს“ განუცხადა, რომ კაზინოების ინკოგნიტო ბარათები სერიოზულ საფრთხეს წარმოშობს ფულის გათეთრების მიმართებაში.


ნათია ლომიძე




Reuters - მსოფლიომ შესაძლოა მშპ-ს მეხუთედი დაკარგოს - კვლევა

Reuters - მსოფლიომ შესაძლოა მშპ-ს მეხუთედი დაკარგოს - კვლევა
access_time2021-04-22 20:00:21
გლობალურმა ეკონომიკამ შესაძლოა 2050 წლისთვის მსოფლიოს შემოსავლების მეხუთედი დაკარგოს, თუ კლიმატის ცვლილების შესწავლის პროგრამამ კრახი განიცადა. განსაკუთრებული რისკის ქვეშ აზია იმყოფება - კვლევა  Swiss Re-მ გამოაქვეყნა.   მოხსენება, რომელიც ინსტიტუტმა გაავრცელა, ხაზს უსვამს, რომ შემოსავალი შესაძლოა 18 პროცენტით დაბალი იყოს ვიდრე მსოფლიოში, სადაც კლიმატის ცვლილება არაა მოსალოდნელი.   აღმოჩნდა, რომ თუ პარიზის შეთანხმების...

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!
access_time2021-04-22 19:00:26
რუსეთის ფედერაციის საზოგადოებრივი პალატის „ფხიზელი რუსეთის“ წევრმა სულთან ჰამზაევმა რუსული რადიოსადგურის ეთერში ჩეხური ლუდის აკრძალვის აუცილებლობაზე ისაუბრა, ეს ყველაფერი კი ჩეხეთის ქმედებების პასუხად.   მისი აზრით ასეთ შემხთევვაში ჩეხეთის პოლიტიკური ჯგუფები გაიაზრებენ, რომ მათი განცხადებები შეიძლება ეკონომიკური შედეგების მომტანი იყოს მთელი ქვეყნისთვის. ჰამზაევის თქმით, რუსები შეძლებენ სასმლის გარეშე არსებობას , ხოლო აკრძალვა კი მოსახლეობაში ალკოჰოლის პოპულარობას...

22 აპრილი - რეგიონში თურქული ლირა ყველაზე მეტად გაუფასურდა

22 აპრილი - რეგიონში თურქული ლირა ყველაზე მეტად გაუფასურდა
access_time2021-04-22 18:15:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 22 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 22 აპრილის ვაჭრობის შედეგად (რომლის ოფიციალური კურსი 23 აპრილისთვისაა) ეროვნული...

დღის top 10 საინტერესო ამბავი

დღის top 10 საინტერესო ამბავი
access_time2021-04-22 21:00:01
15 -ამდე ბიზნესასოციაციის მიმართვა ირაკლი ღარიბაშვილს - კერძო სექტორი პრემიერთან შეხვედრას ითხოვს   დარგთაშორისი საინიციატივო ჯგუფის წარმომადგენელმა შოთა ბურჯანაძემ განაცხადა, რომ კერძო სექტორთან კომუნიკაციის სურვილი პრემიერმა მსხვილი ბიზნესის წარმომამდგენლებთან...

„BGEO-მ ფინანსური ზეწოლის ტაქტიკა გამოიყენა“ - რომან ფიფია სასამართლო დავას აგრძელებს

„BGEO-მ ფინანსური ზეწოლის ტაქტიკა გამოიყენა“ - რომან ფიფია სასამართლო დავას აგრძელებს
access_time2021-04-22 17:15:51
„დავა არ დასრულებულა, ის მიმართავს კანონით მისთვის მინიჭებულ ყველა საშუალებას რათა გააგრძელოს თავისი უფლებების დაცვა.“, - ამის შესახებ ინფორმაცია „კომერსანტს“  რომან ფიფიას წარმომადგენელმა მიაწოდა. საქმე ეხება  ინგლისის სასამართლოში BGEO PLC ჯგუფის წინააღმდეგ დაწყებულ სასამართლო პროცესს, რომელიც დღეს საქართველოს ბანკის ჯგუფის განცხადებით BGEO GROUP სასრაგებლოდ დასრულდა. ფიფიას წარმომადგენლის ინფორმაციით, „BGEO Group Limited“ გამოიყენა ფინანსური ზეწოლა, რომელიც მოსარჩელისგან...


მსგავსი სიახლეები

up