ინფლაციამ მიზნობრივ მაჩვენებელს 2.4-ჯერ გადააჭარბა - მთავარი მაპროვოცირებელი ლარის კურსია

ინფლაციამ მიზნობრივ მაჩვენებელს 2.4-ჯერ გადააჭარბა - მთავარი მაპროვოცირებელი ლარის კურსია

access_time2021-04-05 12:00:57

წლიურმა ინფლაციის განაკვეთმა მარტში მიზნობრივ 3%-იან მაჩვენებელს 2.4-ჯერ გადააჭარბა და 7.2%-ს მიაღწია. ლარის ვარდნის პირობებში უახლოეს მომავალში ფასების კიდევ უფრო მეტად ზრდაა მოსალოდნელი. მართალია გასულ წელს ეროვნული ვალუტა უფრო სწრაფად გაუფასურდა, მაგრამ ის ნაწილობრივ ნავთობზე ფასების 70%-იანმა შემცირებამ დააკომპენსირა, წელს ნავთობი $22-ის ნაცვლად ისევ $65 ღირს, ლარის კურსი კი 3.4-ს აჭარბებს.


ფასების მკვეთრი ზრდა ენერგორესურსებზე იანვრიდან დაიწყო. ფიზიკური პირებისთვის ელექტროენერგია 18-24 პროცენტით გაძვირდა. კომერციული მომხმარებლებისთვის 55-70 პროცენტით. წყალი შესაბამისად 16 და 48 პროცენტით.  დამატებით 28%-ით გაუძვირდათ ბუნებრივი გაზი კომერიულ მომხმარებლებს. იმის გამო, რომ ბიუჯეტი 4 თვის განმავლობაში ფიზიკურ პირებს კომუნალურ გადასახადებს უფარავდა, საქსტატმა გაძვირება გაიაფებად შერაცხა, რამაც შექმა იმის ილუზია, რომ თითქოს იანვარ-თებერვალში ინფლაციის განაკვეთი 2.8 და 3.6 პროცენტს შეადგენდა. უწყებამ სპეციალური განმარტებაც გაავრცელა და მეთოდოლოგია იმით ახსნა, რომ მოქალაქეებს საფასურის გადახდა საკუთარი ჯიბიდან არ უწევდათ, თუმცა არაფერი უთქვამს იმის შესახებ, რატომ შეცვალა მეთოდოლოგია დეკემბრიდან, მაშინ როცა სუბსიდირების პროგრამა ნოემბრიდან დაიწყო და ზუსტად ისეთივე პროგრამა 2020 წლის მარტიდან მაისის ჩათვლითაც მოქმედებდა. იმის გასარკვევად თუ რატომ შეიცვალა მეთოდოლოგია "კომერსანტი" საქსტატს დაუკავშირდა. სადაც განმარტეს, რომ ნოემბერში არ ჰქონდათ ინფორმაცია თუ რამდენმა მომხმარებელმა ისარგებლა სუბსიდიით, გაზაფხულზე კი შედარებით  მოკლევადიანი პერიოდის გამო კორექტირების გადაწყვეტილება არ მიუღიათ.


საქსტატის ასეთი დათვლით მარტში წყალმომარაგებაზე ფასები 58%-ით, ელექტროენერგიასა და ბუნებრივ აირზე კი 51%-ით გაიზარდა, რამაც თვის 4.2%-იან ინფლაციაში 2.97 პროცენტული პუნქტით ჰპოვა ასახვა. მარტიდან მართალია ბიუჯეტი მოსახლეობას კომუნალურ გადასახადებს მთლიანად აღარ უხდის, მაგრამ უფარავს გაძვირებულ სხვაობას. სტატისტიკის ეროვნული სამსახური ამჟამადაც ფიქრობს, რომ ფასნამატის სუბსიდირების გამო გაძვირება ინფლაციაში შესატანი არ უნდა იყოს.


ელექტროენერგია ერთადერთი პროდუქტი არაა, რასაც სახელმწიფო ასუბსიდირებს. დეკემბრიდან დაწყებული ფქვილის სუბსიდირება რომელიც 50 კგ-იან ტომარაზე 10 ლარს შეადგენდა და 31 მარტს უნდა დასრულებულიყო, ჯერ 15 ლარამდე გაიზარდა, შემდეგ კი ივნისამდე გაგრძელდა. სუბსიდირების გარეშე პური 15-20 თეთრით გაძვირდებოდა. სწორედ ამდენით 20 თეთრით  ანუ 20%-ით, 1.20 ლარამდე გაძვირდა პური თონეებში, რადგან მათ სუბსიდირება არ შეხებიათ.



1 წლის განმავლობაში ოფიციალურად სურსათი და უალკოჰოლო სასმელი 5.7%-ით გაძვირდა, მათ შორის ზეთი 35.8%-ით, ყავა და ჩაი 13.7%-ით, შაქარი 13%-ით, თევზეული 12.2%-ით, რძის ნაწარმი 8.5%-ით, პური 7.7%-ით. საქსტატი ფასების აღრიცხვას ქვეყნის 6 დიდ ქალაქში: თბილისი, ბათუმი, ქუთაისი, გორი, ზუგდიდი, თელავი) 10-დან 20 რიცხვამდე ახდენს, რადგან ზეთი დამატებით მარტის ბოლოს გაძვირდა აღნიშნული სტატისტიკაში ვეღარ მოხვდა. კვების პროდუქტების გარდა წლის განმავლობაში ჯანდაცვა 13.7%-ით გაძვირდა, ავეჯი - 12%-ით, ალკოჰოლური სასმელები და თამბაქო - 8.9%-ით, ტრანსპორტი - 5.8%-ით.


ფასების ზრდა 20 მარტს არ დასრულებულა და უახლოეს პერიოდში მისი კიდევ უფრო მატებაა მოსალოდნელი. ფასების ზრდას ელიან საავადმყოფოებში და კვების ობიექტებში. ლარის კურსთან ერთად დამატებით გავლენას  საწვავის ფასიც ახდენს. ყველაზე იაფი რეგულარის ტიპის ბენზინი 2 აპრილის მდგომარეობით უკვე 2.57-2.61 ლარი ღირს, დიზელის ფასი კი 2.62 ლარიდან იწყება და 2.82 ლარზე ადის. რაც შეეხება პრემიუმს, მისი ფასი 2.78-2.82 ლარის ფარგლებში მერყეობს. ნავთოპროდუქრების იმპორტიორთა კავშირში ადასტურებენ, რომ საწვავი კიდევ გაძვირდება.


იმ რაოდენობის პროდუქციისა და მომსახურების შესაძენად რასაც 2019 წლის მარტში 100 ლარი სჭირდებოდა, 2021 წლის მარტში 113.75 ლარია საჭირო, ეს მაშინ როცა 2020 წელს ეკონომიკა 6.2%-ით, 2021 წლის იანვარ-თებერვალში კი 8.3%-ით შემცირდა. 2020 წელს სოციალურ დაუცველთა რაოდენობა 100 000-ით 532 000-მდე გაიზარდა, სამსახური კი 115 000-მა ადამიანმა დაკარგა, მათი 94% მცირე ბიზნესში იყო დასაქმებული. 2021 წლის მარტში 200 ლარიანი კომპენსაცია, რომელიც მეორე ლოკდაუნის შედეგად უმუშევრად დარჩენილ ადამიანებზე გაიცემა, 130 645-მა ადამიანმა მიიღო.


ელექტროენერგიისა და ფქვილის სუბსიდიის გაუთვალისწინებლად ცხადია ინფლაცია უფრო მაღალი იქნებოდა. მთავრობა დილემის წინაშე დგას მიუშვას ინფლაცია, თუ გაზარდოს სუბსიდირების პროგრამა. სუბსიდიაზე თანხები ბიუჯეტიდან გამოიყოფა, რომელსაც გადასახადების გადამხდელები ავსებენ, ანუ მას ირიბად ისევ მოსახლეობა იხდის. კრიზისის ფონზე ხაზინის შემოსავლები გადასახადებით ვერ გაიზრდება და დამატებითი ხარჯებისთვის ან ახალი ვალის აღებაა საჭირო, რომელიც ისედაც მშპ-ის 60%-ს გადასცდა, ან რაიმე სხვა პროექტებზე დაფინანსების მოკლება.


ქვეყანაში ფასების სტაბილურობაზე პასუხისმგებელი ეროვნული ბანკია, თუმცა ამ დრომდე არ ყოფილა შემთხვევა, როდესაც თუნდაც დაგეგმილზე 2-ჯერ მაღალი ინფლაციის გამო, სების ხელმძღვანელობიდან ვინმეს თანამდებობა დაეტოვებინოს. 


გიორგი ელიზბარაშვილი




საარსებო მინიმუმი გაიზარდა და ახლა 202,8 ლარია — საქსტატი

საარსებო მინიმუმი გაიზარდა და ახლა 202,8 ლარია — საქსტატი
access_time2021-05-14 12:00:55
აპრილში საარსებო მინიმუმი წლიურად 3,2 ლარით გაიზარდა და შრომისუნარიანი ასაკის მამაკაცის არსებობისთვის საჭირო მინიმალური თანხის ოდენობამ 202,8 ლარი შეადგინა. ამის შესახებ ინფორმაციას საქსტატი ავრცელებს.   2021 წლის აპრილის თვეში საშუალო მომხმარებლის საარსებო მინიმუმი წლიურად 2,8 ლარით გაიზარდა და 179,6 ლარი შეადგინა. წინა თვესთან შედარებით, არსებობისთვის საჭირო მინიმალური თანხის ოდენობა კი შრომისუნარიანი მამაკაცისთვის 1,8 ლარით, ხოლო საშუალო მომხმარებლისთვის 1,5 ლარით არის...

#სპონსორიაკროკობეთი - 1 000 000 ქართული სპორტის მხარდასაჭერად!

  #სპონსორიაკროკობეთი - 1 000 000 ქართული სპორტის მხარდასაჭერად!
access_time2021-05-14 10:55:53
13 მაისს, სასტუმრო „თბილისი მარიოტში“ კროკობეთის პრეზენტაცია გაიმართა. კომპანია ბოლო 2 წლის განმავლობაში 10 საფეხბურთო და 1 საკალათბურთო გუნდს, 2 ინვიდიდუალური სპორტის სახეობის წარმომადგენელს, საქართველოს BMW-ს კლუბს, საქართველოს დრაგ რეისინგისა და დრიფტის სერიებს ასპონსორებს, ღონისძიებას კი თითოეული გუნდის წარმომადგენელი და სპორტსმენი ესწრებოდა, რომლებმაც საზეიმო ვითარებაში მემორანდუმს მოაწერეს...

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა
access_time2021-05-14 12:30:00
2021 წლის იანვარ-აპრილში, საქართველოდან მსოფლიოს 55 ქვეყანაში 28,3 მლნ-მდე ბოთლი (0,75 ლ) ღვინოა ექსპორტირებული, რაც 15%-ით აღემატება 2020 წლის ანალოგიური პერიოდის მაჩვენებელს. ინფორმაციას ღვინის ეროვნული სააგენტო ავრცელებს. „ექსპორტირებული ღვინის ღირებულება 65 მლნ-მდე აშშ დოლარია, ზრდამ, გასული წლის ამავე პერიოდთან შედარებით, 7%-ს მიაღწია. ექსპორტი გაიზარდა ქართული ღვინის სტრატეგიულ ბაზრებზე: პოლონეთი - 2% (1,841,192 ბოთლი), ჩინეთი - 19%...

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა
access_time2021-05-14 13:00:50
კოოპერატიული ბინათმშენებლობის დაუსრულებლობით დაზარალებულ პირთა დაკმაყოფილების მიზნით განხორციელებული სხვადასხვა პროექტის ფარგლებში 2016 წლის წლის 9 მარტიდან 2021 წლის 10 მაისის მონაცემებით ჯამში დაკმაყოფილებულ იქნა 1276 პირი. ამის შესახებ „კომერსანტს“ თბილისის მერიაში განუცხადეს. მოწოდებული ინოფრმაციის მიხედვით უკვე დასრულებული ალტერნატიული საცხოვრებელი ფართით - ბინით  99 პირი დაკმაყოფილდა, ხოლო დაზარალებულ პირთათვის გადაცემულ მიწის ნაკვეთებზე და ამავე მიწის ნაკვეთებზე ინტერესთა...

„ციფრული ვალუტის შემოღება ბანკებს შეავიწროებს, თუმცა მათი ჩანაცვლება მარტივად ვერ მოხდება“

„ციფრული ვალუტის შემოღება ბანკებს შეავიწროებს, თუმცა მათი ჩანაცვლება მარტივად ვერ მოხდება“
access_time2021-05-14 11:00:32
საქართველოს ეროვნული ბანკი ციფრული ლარის გამოშვების პროექტზე მუშაობს. სებ-ის ინფორმაციით, მისი მანდატი ფასებისა და ფინანსური სტაბილურობის უზრუნველყოფაა, ხოლო ციფრული ტექნოლოგიების განვითარებამ ცენტრალური ბანკის ფულის განვითარებისა და ლარის ციფრული ვერსიის შექმნის აუცილებლობა გამოკვეთა, რათა ის უკეთ მოერგოს ციფრულ ეკონომიკას და ეკონომიკური პოლიტიკის ეფექტიანობა გაზარდოს. როგორც აღმოჩნდა ეროვნულ ბანკს თავისი მანდატის უკეთ შესასრულებლად ციფრული ლარი სჭირდება. ეროვნული ბანკში ასევე აღნიშნავენ,...


მსგავსი სიახლეები

up