დღის TOP10 საინტერესო ამბავი:
1. ქსელური მარკეტების ნაწილმა საახალწლოდ საკვებად უვარგისი პროდუქტები გაყიდა
ქსელურ მარკეტებში სურსათის ხარისხი მომხმარებლისთვის სერიოზულ პრობლემად იქცა. საახალწლოდ დარღვევების დიდი ნაწილი ტკბილეულს, რძის ნაწარმს და ხორცპროდუეტქებს ეხებოდა, რაზეც მომხმარებლები სოციალურ ქსელში წერენ.
2. რატომ ირჩევენ დამსვენებლები საქართველოში ბრენდულ და არა საოჯახო სასტუმროებს
მიმდინარე ზამთრის საკურორტო სეზონზე ბრენდული სასტუმროები სრული დატვირთვით მუშაობენ, ხოლო შედარებით პატარა ან საოჯახო ტიპის სასტუმროები მომხმარებელთა ნაკლებობას უჩივიან.
3. კლუბები პანდემიასთან ბრძოლის ახალ და სამართლიან გეგმამდე გააგრძელებენ მუშაობას
თბილისის საკლუბო სცენის წარმომადგენლები საერთო განცხადებას ავრცელებენ და ამბობენ, რომ საქართველოს მთავრობის კანცელარიისა და მედიის მიერ გუშინ გავრცელებული განცხადება იმის შესახებ, რომ თბილისის კლუბები შემდეგი ორი კვირის განმავლობაში დაიხურება, ხოლო ამის სანაცვლოდ დაზარალებული სივრცეები კომპენსაციას მიიღებენ, არ შეესაბამება სიმართლეს.
4. ბანკები ყველაზე მაღალპროცენტიან სესხს ტრანსპორტის და კავშირგაბმულობის სექტორზე გასცემენ
კომერციული ბანკების მიერ 2021 წელს რეზიდენტ იურიდიულ პირებზე ეროვნული ვალუტით გაცემული სესხების საპროცენტო განაკვეთი საქმიანობის სახეების მიხედვით 8.88%-დან 13.87%-მდე მერყეობდა.
5. სებ-ის სავალუტო რეზერვების ნაწილი გაურკვეველ უცხოურ ორგანიზაციებშია დაბანდებული - ეკონომისტი ლია ელიავა
საქართველოს საერთაშორისო რეზერვები ისტორიულ მაქსიმუმზეა. ეროვნული ბანკის მონაცემებით, 2021 წლის ბოლოს ქვეყანა 4.3 მილიარდი დოლარის სარეზერვო აქტივებს ფლობდა, საიდანაც 3.78 მლრდ უცხოური ვალუტის რეზერვებია, მათ შორის, 2.5 მლრდ ფასიან ქაღალდებში დევს, 486.6 მლნ კი სესხების სპეციალური უფლებები იგივე SDR -ებია.
6. ბენზინის იმპორტში რეგულარის წილი 60%-ს აჭარბებს
2021 წელს საქართველოში ბენზინის იმპორტი 2020 წელთან შედარებით 8.7%-ით 587 ათას ტონამდე გაიზარდა, დიზელის 0.7%-ით 562 ათას ტონამდე შემცირდა, მთლიანად საწვავის იმპორტი კი 3.9%-ით 1.149 მლნ ტონამდე გაიზარდა.
7. მაგთიკომი გაფიცულ თანამშრომლებთან მიმართებით სამართლებრივ ნაბიჯებს გადადგამს
მაგთიკომის თანამშრომლები, კონკრეტულად ინჟინერ-ტექნიკოსები ხელფასის ზრდას ითხოვენ და მუშაობაზე უარს აცხადებენ.
8. მეტეხის ხიდის რეაბილიტაციის ტენდერი ჩაიშალა
მეტეხის ხიდის რეაბილიტაციისთვის თბილისის მერიის მიერ გამოცხადებული ტენდერი ჩაიშალა. 1 650 168 ლარის ღირებულების სახელმწიფო შესყიდვა არ შედგა.
9. ლაშა პაპაშვილი: ამ ეტაპზე სასტუმრო HILTON-ის ხარჯები შემოსავალს აღემატება
თბილისში, Hilton-ის ბრენდის პირველი სასტუმრო პანდემიის მიუხედავად მუშაობს, თუმცა, შექმნილ სიტუაციაში ხარჯები შემოსავალს აღემატება.
10. სასტუმრო QUADRUM: „ომიკრონმა“ გუდაური ფაქტობრივად დაცალა
სასტუმრო Quadrum გუდაურში ზამთრის სეზონის მიმდინარეობაზე აცხადებს, რომ მას შემდეგ, რაც ქვეყანაში ეპიდემიოლოგიური მდგომარეობა დამძიმდა და „ომიკრონის“ შტამი გააქტიურდა, გუდაური ფაქტობრივად დაიცალა.
საინტერესო ამბები
