ყაზახეთის საგანგებო სიტუაციების სამინისტროს წინასწარი ინფორმაციით, აზერბაიჯანის ავიახაზების კუთვნილი თვითმფრინავის ჩამოვარდნის დროს 25 ადამიანი გადარჩა.
გავრცელებული ინფორმაციით, გადარჩენილი მოქალაქეებიდან 22 კლინიკაში გადაიყვანეს.
სულ ბორტზე 67 ადამიანი იმყოფებოდა, მათ შორის ეკიპაჟის 5 წევრი.
ცნობისთვის, „აზერბაიჯანის ავიახაზების“ სამგზავრო თვითმფრინავმა ყაზახეთის ქალაქ აქთაუს აეროპორტთან კატასტროფა დღეს განიცადა. ინფორმაციას ამის შესახებ „ბიბისი“ ავრცელებს.
აზერბაიჯანული ავიაკომპანია Azal-ის სამგზავრო თვითმფრინავი 25 დეკემბერს რადარებიდან გაუჩინარდა. თვითმფრინავი ბაქო-გროზნოს რეისს ასრულებდა, უკანასკნელად მისი კვალი ყაზახეთში, ქალაქ აქტაუსთან დააფიქსირეს.
Flightradar24-ის რუკებზე დაკვირვებით ირკვევა, რომ თვითმფრინავმა კურსი კასპიის ზღვის ცაზე შეიცვალა და აქტაუს მიმართულებით გაფრინდა. ქალაქის სიახლოვეს კი ავარიული დაშვება დაიწყო.
