გერმანულმა საავტომობილო კონცერნმა Volkswagen AG-მ 2025 წლის მესამე კვარტალში ავტომობილების მიწოდებები 1%-ით, 2.2 მილიონ ერთეულამდე გაზარდა.
VW-ის მონაცემებით, დასავლეთ ევროპაში მიწოდება 8%-ით გაიზარდა, ცენტრალურ და აღმოსავლეთ ევროპაში 13.7%-ით, სამხრეთ ამერიკაში 9.7%-ით, ჩინეთის გამოკლებით აზიაში 9.2%-ით და ახლო აღმოსავლეთში 3%-ით. ჩრდილოეთ ამერიკაში მიწოდება 9.8%-ით, ხოლო ჩინეთში 7.2%-ით შემცირდა.
მიმდინარე წლის პირველი ცხრა თვის განმავლობაში VW-ის ავტომობილების გლობალური მიწოდება 1.2%-ით გაიზარდა და 6.6 მილიონ ერთეულს მიაღწია.
ივლის-სექტემბერში ავტომწარმოებელმა ელექტრომობილების მიწოდება 33%-ით გაზარდა 252.1 ათას ერთეულამდე, ხოლო წლის დასაწყისიდან 42%-ით - 717.5 ათასამდე.
ელექტრომობილების წილი VW-ის მთლიან მიწოდებაში პირველი ცხრა თვის განმავლობაში 11% იყო, წინა წლის 8%-თან შედარებით. ავტომწარმოებლის ელექტრომობილებზე მოთხოვნის მნიშვნელოვანი ზრდა წელს ევროპაში (+78%) და აშშ-ში (+85%) დაფიქსირდა, ხოლო ჩინეთში 43%-იანი კლება დაფიქსირდა, რაც ქვეყანაში ახალი მოდელების გამოშვებამდე იყო მოსალოდნელი.
