ამერიკულმა ტელეკომუნიკაციების ოპერატორმა Verizon Communications-მა 2025 წლის მესამე კვარტალში წმინდა მოგება 48%-ით გაზარდა, ხოლო კორექტირებულმა მოგებამ ექსპერტების მოლოდინს გადააჭარბა.
ივლის-სექტემბერში კომპანიის წმინდა მოგებამ 5.06 მილიარდი აშშ დოლარი, ანუ აქციაზე 1.17 აშშ დოლარი შეადგინა, წინა წლის ანალოგიური პერიოდის 3.41 მილიარდ აშშ დოლართან, ანუ აქციაზე 0.78 აშშ დოლართან შედარებით. ერთჯერადი ხარჯების გამოკლებით, მოგება აქციაზე 1.19 აშშ დოლარიდან 1.21 აშშ დოლარამდე გაიზარდა.
შემოსავალი 1.5%-ით გაიზარდა და 33.82 მილიარდ დოლარს მიაღწია.
