2024 წლის გაზაფხულიდან იტალიის ქალაქი ვენეცია გახდა პირველი მსოფლიოში, რომელიც ოფიციალურად დააკისრა დღიურ ტურისტებს შესვლის საფასური. ერთი წლის შემდეგ ადგილობრივმა ხელისუფლებამ გადასახადი ოფიციალურად გაზარდა.
The Sun-ის ცნობით, გასული წლის განმავლობაში ერთ ადამიანზე 5 ევროდ დაწესებულმა გადასახადმა ქალაქს 2 მილიონ ევროზე მეტი მოუტანა, რაც ოფიციალურმა პირებმა დახარჯეს ისეთ სერვისებზე, როგორიცაა ნარჩენების გატანა და ტექნიკური მომსახურება.
წარმატებებით შთაგონებულმა ადგილობრივმა ხელისუფლებამ გადაწყვიტეს არა მხოლოდ შეენარჩუნებინათ გადასახადი 2025 წელს, არამედ გაეორმაგებინათ. თუმცა 10 ევროს მხოლოდ ისინი გადაიხდიან, ვინც ქალაქში ვიზიტს, ოთხ დღეზე ნაკლებ დროში დაჯავშნის.
იმავდროულად, უფრო ორგანიზებული ტურისტები, რომლებიც დაგეგმილ მოგზაურობას ხუთ დღეზე ადრე პერიოდში დაჯავშნიან, კვლავ 5 ევროს გადაიხდიან.
ახალი სისტემა აღდგომის დღესასწაულებზე, 18 აპრილიდან 4 მაისამდე ყოველდღე იმუშავებს. ამ პერიოდის გასვლის შემდეგ საფასურის გადახდა მოუწევთ მხოლოდ ერთდღიან ტურისტებს, რომლებიც სტუმრობენ ვენეციას პარასკევს, შაბათს და კვირას 4 მაისიდან ივლისის ბოლომდე.
