უნგრეთი სისხლის სამართლის საერთაშორისო სასამართლოს ტოვებს. უნგრეთის პრემიერ-მინისტრის პრესსპიკერის, ზოლტან კოვაჩის თქმით, პროცედურა 3 აპრილს „უნგრეთის კონსტიტუციური და საერთაშორისო სამართლებრივი ვალდებულებების შესაბამისად დაიწყო“.
ბუდაპეშტმა ეს გადაწყვეტილება უნგრეთში ისრაელის პრემიერ-მინისტრის, ბენიამინ ნეთანიაჰუს, ვიზიტის ფონზე მიიღო. ისრაელის მთავრობის მეთაურის წინააღმდეგ 2024 წლის ნოემბერში ჰააგის სისხლის სამართლის საერთაშორისო სასამართლომ „ომში და კაცობრიობის წინააღმდეგ ჩადენილი დანაშაულისთვის დაპატიმრების ორდერი გამოსცა“.
უნგრეთს, როგორც რომის სტატუტის ხელმომწერ სახელმწიფოს, კანონი ავალდებულებს სასამართლოს მიერ გაცემული ორდერის მიხედვით იმოქმედოს, თუმცა ვიქტორ ორბანმა ბენიამინ ნეთანიაჰუს დაკავებაზე უარი განაცხადა.
წყარო: "ევრონიუს ჯორჯია"
