შვეიცარიულმა ფარმაცევტულმა კომპანია Roche-მ განაცხადა, რომ მომდევნო ხუთი წლის განმავლობაში აშშ-ში $50 მილიარდის ინვესტიციას განახორციელებს. ამის შესახებ Reuters-ი წერს.
ეს გადაწყვეტილება შეერთებულ შტატებში საერთაშორისო ფარმაცევტული კომპანიების დიდი ინვესტიციების ტალღის ნაწილი გახდა დონალდ ტრამპის ადმინისტრაციის პოლიტიკის ფონზე, რომელიც ახალი ტარიფების შემოღებით შიდა წარმოების სტიმულირებას ვარაუდობს.
კომპანია ასევე გეგმავს 12000-ზე მეტი ახალი სამუშაო ადგილის შექმნას აშშ-ში, მათ შორის დაახლოებით 6500 მშენებარე ობიექტებში და კიდევ 1000 ახალ და გაფართოებულ ობიექტებში.
