რუსეთის პრეზიდენტის პრესსპიკერის დიმიტრი პესკოვის განცხადებით, შვედეთის ნატოში გაწევრიანება რუსეთის უსაფრთხოებას ემუქრება და მოსკოვი საპასუხო ზომებს მიიღებს.

აღნიშნული განცხადება მან ჟურნალისტებთან გააკეთა.

მისივე თქმით, შვედეთის ნატოში შესვლას რუსეთისთვის ცალსახად ნეგატიური შედეგი მოჰყვება. პესკოვი ამბობს, რომ საპასუხოდ რუსეთი მიიღებს ზომებს, რომლებიც იმ ნაბიჯების ანალოგიური იქნება, რომლებიც ფინეთის ჩრდილოატლანტიკურ ალიანსში გაწევრიანების უკვე დამდგარი ფაქტის კონტექსტში იგეგმება.