შვედეთი იწყებს მარტოობის წინააღმდეგ ბრძოლის ეროვნული გეგმის განხორციელებას. ამის შესახებ „ევროპულსი“ წერს. მთავრობას სურს, რომ ყველა ადამიანმა, განურჩევლად ასაკისა, შემოსავლისა თუ ჯანმრთელობისა, შეძლოს ადვილად იპოვოს მეგობრები და თავი იგრძნოს საზოგადოების ნაწილად.
ამ მიზნით საცხოვრებელ რაიონებში გაიხსნება უფასო კლუბები, ინტერესთა ჯგუფები და შეხვედრების ადგილები. ეს აუცილებელია იმისთვის, რომ ყველა ადამიანმა, მათ შორის, ასაკისა და ჯანმრთელობის გამო შეზღუდული სოციალური წრის მქონე პირებმა, ადვილად იპოვონ მეგობრები და არ იყვნენ სოციალურ იზოლაციაში.
განსაკუთრებული ყურადღება დაეთმობა მათ, ვისაც ფასიანი ღონისძიებების განხორციელების შესაძლებლობა არ აქვს. სოციალური მუშაკები ინდივიდუალურად დაიწყებენ მუშაობას მათთან, ვინც მრავალი წელია მარტო ცხოვრობს. მათ შესთავაზებენ მხარდაჭერას და დახმარებას აქტიურ სოციალურ ცხოვრებაში დაბრუნებაში.
გარდა ამისა, შვედეთს სურს მოიცილოს მარტოობის ირგვლივ არსებული ცრურწმენები - რათა ადამიანებმა არ დააყოვნონ ისაუბრონ თავიანთ პრობლემაზე და ითხოვონ დახმარება. ამ მიზნით საინფორმაციო კამპანია დაიწყება.
სამუშაოებში ჩაერთვებიან არა მხოლოდ სახელმწიფო სამსახურები, არამედ ბიზნესი, საზოგადოებრივი ორგანიზაციები და მეცნიერებიც კი. მიზანია, რომ არავინ დარჩეს მარტო თავის სირთულეებთან.
