ბრიტანულ-ნიდერლანდურმა ნავთობისა და გაზის კომპანია Shell-მა პირველ კვარტალში წინა კვარტალთან შედარებით კორექტირებული მოგება 1.52-ჯერ გაზარდა, რაც ბაზრის მოლოდინებზე მაღალია.
კომპანიის პრესრელიზის თანახმად, მისი მოგება ერთჯერადი ფაქტორების გამოკლებით 2025 წლის იანვარ-მარტში 5.577 მილიარდი აშშ დოლარი იყო. Vara Research-ის მიერ გამოკითხული ექსპერტების კონსენსუსის პროგნოზი ამ მაჩვენებელთან დაკავშირებით 4.96 მილიარდი დოლარი იყო.
ეს მაჩვენებელი წინა კვარტალში არსებულ 3.661 მილიარდ დოლართან შედარებით გაიზარდა, თუმცა მნიშვნელოვნად შემცირდა 2024 წლის პირველ კვარტალში არსებულ 7.734 მილიარდ დოლართან შედარებით.
კორექტირებული EBITDA წინა კვარტალთან შედარებით 7%-ით გაიზარდა და 15.250 მილიარდ დოლარს მიაღწია. გასული წლის იანვარ-მარტში, კორექტირებულმა EBITDA-მ 18.711 მილიარდი აშშ დოლარი შეადგინა.
კომპანიის წმინდა მოგებამ იანვარ-მარტში 4.780 მილიარდი დოლარი შეადგინა, მეოთხე კვარტალში 928 მილიონ დოლართან და 2024 წლის პირველ კვარტალში 7.36 მილიარდ დოლართან შედარებით, შემოსავალმა კი 69.234 მილიარდი დოლარი შეადგინა, შესაბამისად, 66.281 მილიარდი დოლარის და 72.478 მილიარდი დოლარის წინააღმდეგ.
